Фолбинлардан "мотиваторлар"гача: Қозоғистон интернет назоратини кучайтирмоқчи

CC0 / rawpixel.com / Стресс на работе.
Стресс на работе. - Sputnik Ўзбекистон, 1920, 18.11.2026
Oбуна бўлиш
Қозоғистонда 16 ёшгача бўлган болаларнинг ижтимоий тармоқларда рўйхатдан ўтишини тақиқлаш, фолбинлар ва "мотиваторлар"га янги талаблар қўйиш таклиф этилмоқда.
ТОШКЕНТ, 18 ноя — Sputnik. Қозоғистонда фолбинлар, онлайн-коучлар ва ижтимоий тармоқ фойдаланувчиларига янги талаблар жорий этиш режалаштирилмоқда. Тегишли қонун лойиҳалари парламентда биринчи ўқишда маъқулланди, деб хабар бермоқда Sputnik Қозоғистон.
Янги қоидаларга кўра, фолбинлар, башоратчилар ва сеҳргарлик хизматларини таклиф қилувчилар ўз контентида бундай хизматлар кўнгилочар хусусиятга эга экани, илмий ёки амалий жиҳатдан тасдиқланмаганини кўрсатиши шарт бўлади.
"Мотиваторлар", яъни онлайн-коучлар ва таълим курслари муаллифлари эса ўз малакасини тасдиқловчи диплом ёки сертификат ҳақидаги маълумотларни эълон қилиши керак
Қонун лойиҳаларида интернетдаги аноним аккаунтлар устидан назоратни кучайтириш ҳам назарда тутилган. Жумладан, 5 мингдан ортиқ обуначиси бўлган аноним фойдаланувчилар ва оммавий саҳифаларни идентификация қилиш ҳамда уларнинг реестрини юритиш таклиф этилмоқда.
Маданият ва ахборот вазири Арман Қириқбоевнинг маълум қилишича, 2026 йилнинг дастлабки ўн ойида интернет платформаларида қонунга зид 128,5 мингта материал аниқланган. Уларнинг қарийб 70 фоизи ўчирилган.
Шу боис онлайн платформаларни Қозоғистонда расмий ваколатхона очишга мажбурлаш, қонунга зид материалларни ўчириш бўйича талабларни бажармаганлик учун жавобгарлик белгилаш режалаштирилмоқда.
Бундан ташқари, фуқароларнинг суратларини уларнинг розилигисиз қонунга хилоф равишда эълон қилганлик учун жарималар жорий этиш таклиф қилинган. Жарима миқдори жисмоний шахслар учун тахминан 290 доллар, ташкилотлар учун эса 580 доллардан 1950 долларгача бўлиши мумкин.
Яна бир ўзгариш 16 ёшга тўлмаган болаларнинг ижтимоий тармоқларда рўйхатдан ўтишини тақиқлашни назарда тутади.
Ҳозирча ушбу талаблар қонун лойиҳаси босқичида. Улар кучга кириши учун парламентдаги кейинги қонунчилик жараёнларидан ўтиши керак.
Экран смартфона  - Sputnik Ўзбекистон, 1920, 26.08.2026
Қозоғистонда 16 ёшгача бўлган болаларга ижтимоий тармоқлар тақиқланиши мумкин
Янгиликлар лентаси
0