Иқтисодий ҳамкорлик ташкилоти йиғилишида Ўзбекистон ташаббуслари қайд этилди

© Пресс-служба МИД УзбекистанаВ Исламабаде состоялось 30-е заседание Совета министров иностранных дел Организации экономического сотрудничества
В Исламабаде состоялось 30-е заседание Совета министров иностранных дел Организации экономического сотрудничества - Sputnik Ўзбекистон, 1920, 17.11.2026
Oбуна бўлиш
ИҲТ давлатлари Ўзбекистоннинг тинчлик ва экология ташаббусларини қайд этиб, Термиз марказларининг минтақавий аҳамиятини эътироф этди.
ТОШКЕНТ, 17 ноя — Sputnik. Исломободда қабул қилинган коммюникеда Иқтисодий ҳамкорлик ташкилоти (ИҲТ) давлатлари Ўзбекистоннинг қатор ташаббусларини эътироф этди. Ҳужжат матни Покистоннинг APP давлат ахборот агентлиги томонидан эълон қилинди.
Коммюнике 16 ноябрда ўтказилган ИҲТ Ташқи ишлар вазирлари кенгашининг 30-йиғилиши якунида қабул қилинди. Ўзбекистон делегациясига ташқи ишлар вазири ўринбосари Бобур Усманов раҳбарлик қилди.
Термизнинг савдо ва гуманитар ҳамкорликдаги ўрни
Ҳужжатда Термиз халқаро савдо маркази ва Термиз кўп функцияли транспорт-логистика хабининг минтақавий савдо, транспорт боғлиқлиги ва гуманитар ҳамкорликни ривожлантиришга, айниқса, Афғонистон билан алоқаларга қўшаётган ҳиссаси эътироф этилди.
Ёшларни тинчлик йўлида бирлаштириш
Иштирокчилар Ўзбекистоннинг “Тинчлик йўлида жаҳон ёшлар ҳаракати”ни ташкил этиш ташаббусини олқишлади. Аъзо давлатларнинг ёшлар ташкилотлари унда фаол иштирок этишга чақирилди.
Экология бўйича мулоқот
Ўзбекистон ташаббуси билан илгари сурилган Экологик ҳамкорлик бўйича юқори даражали мулоқот платформасининг аҳамияти ҳам қайд этилди. У билим ва тажриба алмашиш, амалий ечимларни топиш ҳамда минтақада экологик ҳаракатларни мувофиқлаштириш механизми сифатида эътироф этилди.
Шунингдек, Самарқандда июнь ойида ўтказилган ИҲТ экология вазирларининг олтинчи йиғилиши натижалари олқишланди.
Қўшма савдо зонаси — намуна
Ўзбекистон ва Туркманистон ўртасидаги қўшма савдо зонаси муваффақиятли тажриба сифатида кўрсатилди. Аъзо давлатларга ушбу моделни қўллаш имкониятини кўриб чиқиш таклиф этилди.
Йиғилиш якунида Ўзбекистон президенти ташаббуси билан ишлаб чиқилган “Иқтисодий ҳамкорликнинг стратегик мақсадлари — 2035” ҳужжати ҳам қабул қилинди.
В Багдаде прошла 52-я сессия Совета министров иностранных дел ОИС - Sputnik Ўзбекистон, 1920, 19.10.2026
Ислом ҳамкорлик ташкилоти мусулмон давлатларининг якдил ҳаракатини кучайтирмоқчи
Янгиликлар лентаси
0