MAX мессенжерининг ўзбекча интерфейси тақдим этилди — Ўзбекистонда 4 млн фойдаланувчи

© ИА "Дунё"Узбекоязычную версию мессенджера MAX представили в Москве
Узбекоязычную версию мессенджера MAX представили в Москве  - Sputnik Ўзбекистон, 1920, 15.11.2026
Oбуна бўлиш
Ўзбекистон MAX мессенжерининг энг йирик хорижий бозори бўлиб, мамлакатда платформа фойдаланувчилари сони 4 миллионга етган.
ТОШКЕНТ, 15 ноя — Sputnik. Россиянинг VK компанияси ишлаб чиққан MAX мессенжерининг ўзбек тилидаги интерфейси Москвада тақдим этилди. Бу ҳақда "Дунё" ахборот агентлиги хабар берди.
Тақдимотда Ўзбекистон ОАВ вакиллари ва соҳа мутахассислари иштирок этди. Унда платформанинг имкониятлари, ривожланиши ва хавфсизлик чоралари ҳақида маълумот берилди.
MAX вакилларининг маълумотига кўра:
Мессенжернинг 11,5 миллион хорижий фойдаланувчисидан 4 миллиони Ўзбекистон ҳиссасига тўғри келади;
Ўзбекистон MAX фойдаланувчилари сони бўйича хорижий давлатлар орасида биринчи ўринда туради;
Мамлакатда ҳар куни MAX орқали 11,7 миллион хабар юборилади;
Кунига 1,3 миллион аудио ва видео қўнғироқ амалга оширилади.
Мессенжерда чатлар, каналлар, аудио ва видео қўнғироқлар, 4 ГБ гача бўлган файлларни юбориш ҳамда овозли хабарларни матнга айлантириш имкониятлари мавжуд.
Шунингдек, платформада икки босқичли аутентификация, махфийлик созламалари ва фирибгарликдан ҳимояланиш воситалари назарда тутилган.
MAX мессенжерига ўзбек тилидаги интерфейс 2026 йил августида қўшилган.
Страница социальной сети Вконтакте на экране компьютера - Sputnik Ўзбекистон, 1920, 09.11.2026
III Россия-Ўзбекистон медиафоруми
VK ўзбекистонлик блогер ва муаллифларга контентдан даромад олишни таклиф қилди
Янгиликлар лентаси
0