Россияда 9 ойда 143 минг нафар мигрантни чиқариб юбориш тўғрисида қарор қабул қилинди

© Sputnik / Илья Наймушин / Медиабанкка ўтишРетро-рейс а/к Аэрофлот по маршруту Москва-Красноярск-Москва
Ретро-рейс а/к Аэрофлот по маршруту Москва-Красноярск-Москва - Sputnik Ўзбекистон, 1920, 12.11.2026
Oбуна бўлиш
Мамлакатга кириши тақиқланганлар сони ҳам кўпайди.
ТОШКЕНТ, 12 ноя — Sputnik. Россияда 2026 йилнинг январь–сентябрь ойларида чет эл фуқароларини маъмурий тартибда мамлакатдан чиқариб юбориш бўйича 143,1 мингта қарор қабул қилинди. Бу ўтган йилнинг мос даврига нисбатан 3 баравар кўп. Бу ҳақда Россия Хавфсизлик кенгаши аппарати матбуот хизмати маълум қилди, деб хабар берди РИА Новости.
Шу даврда чет эл фуқароларига нисбатан 1,8 миллионта маъмурий ҳуқуқбузарлик баённомаси расмийлаштирилган. Бу кўрсаткич ўтган йилга нисбатан 22,6 фоизга камайган.
Бироқ мигрантларга нисбатан қўлланилаётган айрим чеклов чоралари кўпайган:
143,1 мингта — мамлакатдан маъмурий тартибда чиқариб юбориш тўғрисидаги қарорлар (3 баравар ўсиш);
290,8 мингта — Россияга киришни тақиқлаш тўғрисидаги қарорлар (75,2 фоиз ўсиш);
78,7 мингта — вақтинча бўлиш муддатини қисқартириш тўғрисидаги қарорлар (2,5 баравар ўсиш);
4,8 мингта — депортация тўғрисидаги қарорлар (24 фоиз камайиш).
Маъмурий тартибда чиқариб юбориш ва депортация Россия қонунчилигида алоҳида тартиблар ҳисобланади. Қабул қилинган қарорлар сони эса мамлакатни амалда тарк этганлар сонига тенг эмас.
Шунингдек, Россияда вақтинча яшаш учун берилган рухсатномалар сони 17,1 фоизга, яшаш гувоҳномалари сони эса 43 фоизга камайган.
Хавфсизлик кенгаши маълумотларига кўра, 2026 йил 1 октябрь ҳолатига Россияда 5,9 миллион нафар чет эл фуқароси бўлган. Бир йил аввал уларнинг сони қарийб 6,5 миллион нафарни ташкил этган.
Министр внутренних дел РФ Владимир Колокольцев. Архивное фото - Sputnik Ўзбекистон, 1920, 10.11.2026
Россия ички ишлар вазири миграция назорати натижалари ва режалар ҳақида маълумот берди
Янгиликлар лентаси
0