https://sputniknews.uz/20261105/tashkent-goroxovskiy-usa-davlat-kotib-61770498.html
Тошкентда туғилган Гороховский АҚШ давлат котиби бўлиши мумкин
Тошкентда туғилган Гороховский АҚШ давлат котиби бўлиши мумкин
Sputnik Ўзбекистон
Тошкентда Сергей Гороховский номи билан туғилган Сержио Гор АҚШ давлат котиби Марко Рубио ўрнини эгаллаши мумкин. The Washington Sun маълумотларига кўра, унинг номзоди Трамп атрофида муҳокама қилинмоқда.
2026-11-05T16:43+0500
2026-11-05T16:43+0500
2026-11-05T16:48+0500
дунё янгиликлари
дунёда
ақш
сержио гор
https://cdn1.img.sputniknews.uz/img/07ea/0b/05/61770124_0:0:3072:1728_1920x0_80_0_0_3b6afbf1bc2c523d798fd408bcadcd4a.jpg
ТОШКЕНТ, 5 ноя — Sputnik. АҚШда давлат котиби Марко Рубио ўрнига Тошкентда туғилган Сержио Гор (Сергей Гороховский) тайинланиши мумкин. Бу ҳақда "The Washington Sun" нашри Дональд Трамп маъмуриятидаги ички муҳокамалардан хабардор 10 нафар манбага таяниб хабар берди.Нашр маълумотларига кўра, республикачиларнинг оралиқ сайловлардаги мағлубиятидан сўнг Оқ уйда кадрлар ўзгариши эҳтимоли муҳокама қилинмоқда. Асосий номзодлардан бири сифатида АҚШнинг Ҳиндистондаги элчиси Сержио Гор тилга олинмоқда.У давлат котиблигидан ташқари, Оқ уй аппарати раҳбари ёки давлат котиби ўринбосари лавозимларига ҳам даъвогар сифатида кўрилмоқда.Манбаларнинг таъкидлашича, Гор сўнгги вақтларда юқори даражадаги халқаро музокараларда фаол иштирок этмоқда ва Трамп билан тўғридан-тўғри мулоқот қилиш имкониятига эга.Айрим америкалик амалдорлар Рубио 2028 ёки 2032 йилги президентлик сайловларига тайёргарлик кўриш учун ҳукуматдан кетиши мумкинлигини тахмин қилмоқда.Бироқ Гор бу хабарларни қатъиян рад этди. У Марко Рубиони ўзининг яқин дўсти деб атаб, бошқа лавозимга қизиқмаётганини билдирди.Давлат департаменти ва Оқ уй вакиллари ҳам эҳтимолий тайинлов ҳақидаги маълумотларни асоссиз деб атади.Сержио Гор ким?Бу маълумот унинг Мальтадаги кўчмас мулкига оид нотариал ҳужжатлар орқали аниқланган. Горнинг адвокати Роберт Гарсон ҳам унинг Тошкентда туғилганини тасдиқлаган.Гор болалигининг бир қисмини Мальтада ўтказган, кейинчалик оиласи билан АҚШга кўчиб ўтган.У АҚШ сенатори Рэнд Пол билан ишлаган, Трампнинг сайловолди кампанияларида иштирок этган. Кейинчалик Оқ уйда кадрлар бошқармасига раҳбарлик қилиб, минглаб давлат амалдорларини танлаш жараёнига масъул бўлган.2025 йил ноябрда Гор АҚШнинг Ҳиндистондаги элчиси этиб тайинланган. У бир вақтнинг ўзида президентнинг Жанубий ва Марказий Осиё бўйича махсус вакили ҳисобланади.Ҳозирча Горнинг янги лавозимга номзоди расман илгари сурилмаган, Марко Рубио ҳам давлат котиби лавозимини тарк этишини эълон қилмаган.
https://sputniknews.uz/20260407/mirziyoeva-gor-ishbilarmonlik-masalalar-muhokama-56747519.html
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2026
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
дунё янгиликлари, дунёда, ақш, сержио гор
дунё янгиликлари, дунёда, ақш, сержио гор
Тошкентда туғилган Гороховский АҚШ давлат котиби бўлиши мумкин
16:43 05.11.2026 (янгиланди: 16:48 05.11.2026) Тошкентда туғилган Сержио Гор (Сергей Гороховский) АҚШ давлат котиби Марко Рубио ўрнига тайинланиши мумкин, дея ёзади АҚШ нашри.
ТОШКЕНТ, 5 ноя — Sputnik. АҚШда давлат котиби Марко Рубио ўрнига Тошкентда туғилган Сержио Гор (Сергей Гороховский) тайинланиши мумкин. Бу ҳақда "The Washington Sun" нашри Дональд Трамп маъмуриятидаги ички муҳокамалардан хабардор 10 нафар манбага таяниб
хабар берди.
Нашр маълумотларига кўра, республикачиларнинг оралиқ сайловлардаги мағлубиятидан сўнг Оқ уйда кадрлар ўзгариши эҳтимоли муҳокама қилинмоқда. Асосий номзодлардан бири сифатида АҚШнинг Ҳиндистондаги элчиси Сержио Гор тилга олинмоқда.
У давлат котиблигидан ташқари, Оқ уй аппарати раҳбари ёки давлат котиби ўринбосари лавозимларига ҳам даъвогар сифатида кўрилмоқда.
Манбаларнинг таъкидлашича, Гор сўнгги вақтларда юқори даражадаги халқаро музокараларда фаол иштирок этмоқда ва Трамп билан тўғридан-тўғри мулоқот қилиш имкониятига эга.
"Трамп уни жуда яхши кўради", — деди президент маслаҳатчиларидан бири нашрга.
Айрим америкалик амалдорлар Рубио 2028 ёки 2032 йилги президентлик сайловларига тайёргарлик кўриш учун ҳукуматдан кетиши мумкинлигини тахмин қилмоқда.
Бироқ Гор бу хабарларни қатъиян рад этди. У Марко Рубиони ўзининг яқин дўсти деб атаб, бошқа лавозимга қизиқмаётганини билдирди.
Давлат департаменти ва Оқ уй вакиллари ҳам эҳтимолий тайинлов ҳақидаги маълумотларни асоссиз деб атади.
"Times of Malta" ва OCCRP журналистик суриштирувига кўра, Сержио Гор 1986 йил 30 ноябрда Тошкентда Сергей Гороховский исми билан туғилган.
Бу маълумот унинг Мальтадаги кўчмас мулкига оид нотариал ҳужжатлар орқали аниқланган. Горнинг адвокати Роберт Гарсон ҳам унинг Тошкентда туғилганини тасдиқлаган.
Гор болалигининг бир қисмини Мальтада ўтказган, кейинчалик оиласи билан АҚШга кўчиб ўтган.
У АҚШ сенатори Рэнд Пол билан ишлаган, Трампнинг сайловолди кампанияларида иштирок этган. Кейинчалик Оқ уйда кадрлар бошқармасига раҳбарлик қилиб, минглаб давлат амалдорларини танлаш жараёнига масъул бўлган.
2025 йил ноябрда Гор АҚШнинг Ҳиндистондаги элчиси этиб тайинланган. У бир вақтнинг ўзида президентнинг Жанубий ва Марказий Осиё бўйича махсус вакили ҳисобланади.
Эслатиб ўтамиз, 16 октябрь куни Ўзбекистон президенти Шавкат Мирзиёев Сержио Горни қабул қилган эди. Учрашувда Ўзбекистон–АҚШ муносабатлари, Марко Рубионинг ташрифига тайёргарлик ва C5+1 форматидаги ҳамкорлик масалалари муҳокама қилинган.
Ҳозирча Горнинг янги лавозимга номзоди расман илгари сурилмаган, Марко Рубио ҳам давлат котиби лавозимини тарк этишини эълон қилмаган.
