https://sputniknews.uz/20260930/bojxona-strategiya-video-60846495.html

Россия ва Марказий Осиё давлатлари билан ҳамкорлик, янги божхона стратегияси, СИ — видео

Россия ва Марказий Осиё давлатлари билан ҳамкорлик, янги божхона стратегияси, СИ — видео

Sputnik Ўзбекистон

Ўзбекистон божхонаси тўққиз давлат, жумладан Россия билан декларациялар маълумотини алмашмоқда. Йил охиригача Туркия, Ҳиндистон ва Покистон қўшилади. Божхонада 16 та сунъий интеллект модули синовдан ўтказилмоқда.

2026-09-30T13:27+0500

2026-09-30T13:27+0500

2026-09-30T13:27+0500

божхона қўмитаси

божхона божи

божхона

sputnik

еоии

мдҳ

сунъий интеллект

тошкент

видео

https://cdn1.img.sputniknews.uz/img/07ea/09/1e/60844369_0:0:1805:1015_1920x0_80_0_0_c743ac8ce23c37304837c83f261721a1.jpg

ТОШКЕНТ, 30 сен — Sputnik. Ўзбекистон божхонасида декларация маълумотлари хорижий ҳамкорлар ахбороти билан мос келса, товар божхона ходими иштирокисиз тахминан бир дақиқада автоматик чиқарилиши мумкин. Айни пайтда тизимда 16 та сунъий интеллект (СИ) модули ҳам синовдан ўтказилмоқда.Бу ҳақда Тошкентда Ўзбекистон божхона брокерлари уюшмаси томонидан ташкил этилган "Божхона қонунчилиги ва ТИФдаги янгиликлар" мавзусидаги давра суҳбатида маълум қилинди.Муҳокамада Божхона қўмитаси вакиллари, ташқи иқтисодий фаолият иштирокчилари, божхона брокерлари, транспорт ва логистика компаниялари ҳамда давлат органлари вакиллари қатнашди.Ўзбекистон Божхона қўмитасининг Стратегик режалаштириш ва божхона тартиб-таомилларини соддалаштириш бошқармаси бошлиғи Фарҳод Олимжоновнинг сўзларига кўра, Ўзбекистон ҳозир тўққизта давлат, жумладан, Россия билан экспорт ва транзит декларациялари маълумотларини алмашмоқда.Агар экспорт ва импорт декларацияларидаги маълумотлар бир-бирига мос келса, тизим товарни чиқариш ҳақида божхона ходими иштирокисиз автоматик қарор қабул қилиши мумкин. Бундай расмийлаштириш тахминан бир дақиқа вақт олади.Божхона маъмуриятчилигини рақамлаштиришнинг яна бир йўналиши — сунъий интеллектдан фойдаланиш.Айни пайтда Ўзбекистон божхона органларида 16 та сунъий интеллект модули синовдан ўтказилмоқда. Улар божхона қиймати ва ТИФ ТН кодини аниқлаш, ҳужжатларни таниб олиш, инспекция-кўрик мажмуалари орқали олинган тасвирларни таҳлил қилиш ва тақиқланган товарларни аниқлашда қўлланилмоқда.Давра суҳбатида ташқи иқтисодий фаолият соҳасидаги халқаро ҳамкорлик масалаларига ҳам эътибор қаратилди.Ўзбекистон божхона брокерлари уюшмаси раиси Арсен Айрапетянснинг сўзларига кўра, мамлакат МДҲ, ЕОИИ ва бошқа давлатлардаги ҳамкасблар билан амалий алоқаларни кенгайтирмоқда.Ўзбекистон, Қозоғистон, Қирғизистон, Тожикистон ва Туркманистон божхона брокерлари уюшмалари минтақавий кенгаш доирасида ҳамкорлик қилмоқда. Бундай алоқалар ташқи иқтисодий фаолият иштирокчиларига хорижда ишончли ҳамкорлар топиш ва контрагентлар билан юзага келадиган масалаларни ҳал қилишда ёрдам беради.Айрапетянснинг таъкидлашича, россиялик ҳамкасблар ҳам Ўзбекистон уюшмаси аъзоларига хорижий ҳамкорлар билан боғлиқ масалаларни ҳал қилишда амалий ёрдам кўрсатган ҳолатлар бўлган.Божхонада қандай янги тартиблар жорий этилаётгани, сунъий интеллект амалиётда қандай ишлаётгани ва Россия ҳамда Марказий Осиё мамлакатлари билан ҳамкорлик ташқи иқтисодий фаолият иштирокчиларига нима бериши ҳақида — Sputnik видеосида.

https://sputniknews.uz/20260923/cis-bojxona-raxbarlar-qaror-60686913.html

2026

Янгиликлар

uz_UZ

божхона қўмитаси, божхона божи, божхона, sputnik, еоии, мдҳ, сунъий интеллект, тошкент, видео