Залужний: Украинанинг ҳарбий инновациялар ресурси тугади, Россия уларга қарши чора топди
Залужний: Украинанинг ҳарбий инновациялар ресурси тугади, Россия уларга қарши чора топди
Sputnik Ўзбекистон
Валерий Залужний Украина НАТО ихтиёридаги деярли барча қурол ва доктриналарни қўллагани, Россия эса уларга қарши чора топганини айтди. У альянсни янги стандарт ва доктринага ўтишга чақирди.
ТОШКЕНТ, 6 авг — Sputnik. Украинанинг Буюк Британиядаги элчиси, Украина Қуролли кучларининг собиқ бош қўмондони Валерий Залужний Россия Киев қўллаган Ғарб қуроллари ва ҳарбий доктриналарига қарши чора топганини айтди.Унинг сўзларига кўра, Украина 2026 йилда НАТО ихтиёридаги деярли барча турдаги қуроллар ва уларни қўллаш доктриналаридан фойдаланди.Собиқ бош қўмондоннинг фикрича, давом этаётган можаро ва илмий-техник тараққиёт Украина армиясини янги технологик босқичга олиб чиқди, НАТО эса ҳануз Иккинчи жаҳон уруши охирида шаклланган ҳарбий доктриналарга таянмоқда.Залужний альянс бутунлай янги стандартлар ва ҳарбий доктринага ўтиши кераклигини таъкидлади.Аввалроқ Залужний Украина НАТОга ҳеч қачон кирмаслигини айтган эди. Кейинчалик у альянсга қўшилиш ғоясини қўллаб-қувватлашини, аммо НАТО замонавий таҳдидларга мослашиши лозимлигини тушунтирди.
Украина НАТОдаги деярли барча қурол ва доктриналарни қўллади, Россия эса уларга қарши чора топди, деди Валерий Залужний.
ТОШКЕНТ, 6 авг — Sputnik. Украинанинг Буюк Британиядаги элчиси, Украина Қуролли кучларининг собиқ бош қўмондони Валерий Залужний Россия Киев қўллаган Ғарб қуроллари ва ҳарбий доктриналарига қарши чора топганини айтди.
Унинг сўзларига кўра, Украина 2026 йилда НАТО ихтиёридаги деярли барча турдаги қуроллар ва уларни қўллаш доктриналаридан фойдаланди.
"Украина НАТО қуролланишида мавжуд бўлган барча турдаги қуролларни қўллади. Фақат “Томагавк”лар, ядро қуроли, авианосецлар ва F-35 самолётлари бундан мустасно. Ресурс тугади. Россия буларнинг барчасига қарши чора топди", — деди Залужний. Унинг сўзларини "Интерфакс-Украина" келтирмоқда.
Собиқ бош қўмондоннинг фикрича, давом этаётган можаро ва илмий-техник тараққиёт Украина армиясини янги технологик босқичга олиб чиқди, НАТО эса ҳануз Иккинчи жаҳон уруши охирида шаклланган ҳарбий доктриналарга таянмоқда.
Залужний альянс бутунлай янги стандартлар ва ҳарбий доктринага ўтиши кераклигини таъкидлади.
"Украина НАТОга аъзо бўлмаган ҳолда Россия билан урушмоқда. НАТОдагилар Россия билан Украина тажрибасисиз урушишга тайёрми-йўқми, буни очиқ айтсин", — деди у.
Аввалроқ Залужний Украина НАТОга ҳеч қачон кирмаслигини айтган эди. Кейинчалик у альянсга қўшилиш ғоясини қўллаб-қувватлашини, аммо НАТО замонавий таҳдидларга мослашиши лозимлигини тушунтирди.
Владимир Путин Украинанинг НАТОга аъзо бўлиши мумкинлиги Россия хавфсизлигига таҳдид эканлигини бир неча бор таъкидлаган. Унинг таъкидлашича, Киевнинг ҳарбий блокка қўшилиши хавфи махсус операция бошланишининг сабабларидан бири бўлган.
