Мирзиёев Петербургда Путин билан учрашди

© Пресс-служба президента УзбекистанаСостоялась встреча Шавката Мирзиёева и Владимира Путина
Состоялась встреча Шавката Мирзиёева и Владимира Путина - Sputnik Ўзбекистон, 1920, 05.06.2026
Oбуна бўлиш
Ўзбекистон ва Россия етакчилари икки томонлама муносабатларнинг долзарб масалаларини муҳокама қилишди.
ТОШКЕНТ, 5 июн — Sputnik. Санкт-Петербург шаҳрига амалий ташриф доирасида Ўзбекистон президенти Шавкат Мирзиёев ва Россия президенти Владимир Путиннинг учрашуви бўлиб ўтди. Бу ҳақда давлат раҳбари матбуот хизмати хабар берди.
Ўзбекистон – Россия кенг қамровли стратегик шериклик ва иттифоқчилик муносабатларини янада кенгайтириш ҳамда мустаҳкамлаш масалалари кўриб чиқилди.
Таъкидланшича, савдо-иқтисодий ҳамкорлик жадал ривожланаётгани мамнуният билан қайд этилди. Йил бошидан буён товар айирбошлаш ҳажми 20 фоизга ошди.
Саноат, энергетика, металлургия, транспорт, кимё саноати ва иқтисодиётнинг бошқа устувор тармоқларида йирик лойиҳаларни амалга ошириш давом этмоқда.
Президентлар товар айирбошлашдаги жорий суръатларни сақлаб қолиш, кооперация лойиҳаларини жадаллаштириш ҳамда ҳудудлар даражасидаги фаол алоқаларни давом эттириш муҳимлигини қайд этишди.
Фаол маданий-гуманитар алмашинувларни янада кенгайтиришга алоҳида эътибор қаратилди. Шу кунларда Мариинский театрида Георг Фридрих Генделнинг “Тамерлано” операсининг премьераси бўлиб ўтгани ҳамда “Эрмитаж” давлат музейида Ўзбекистон амалий санъати кўргазмаси очилгани қайд этилди.
Мирзиёев ва Путин бўлажак тадбирлар режасини ҳам муҳокама қилди.
Ўзбекистон раҳбари амалий ташриф билан Санкт-Петербургда бўлиб турибди. Мирзиёев ташриф доирасида мамлакатда биринчи интеграциялашган атом электр станцияси реакторининг қурилишини бошлаш маросимида иштирок этади. Шунингдек, давлат раҳбари 29-Петербург халқаро иқтисодий форумининг асосий тадбирларида иштирок этиши кўзда тутилган.
Президент Шавкат Мирзиёев разговаривает по телефону - Sputnik Ўзбекистон, 1920, 22.05.2026
Мирзиёев ва Путин иттифоқчиликни янада мустаҳкамлашни муҳокама қилди
Янгиликлар лентаси
0