Трамп мусулмон давлатлар етакчиларига қўнғироқ қилиб, Исроил билан тинчликка чақирди
Трамп мусулмон давлатлар етакчиларига қўнғироқ қилиб, Исроил билан тинчликка чақирди
Sputnik Ўзбекистон
Axios маълумотига кўра, Трамп бир қатор араб ва мусулмон давлатлари етакчиларига қўнғироқ қилиб, Эрон бўйича келишувга эришилса, Исроил билан муносабатларни нормаллаштиришни сўраган.
ТОШКЕНТ, 25 май — Sputnik. АҚШ президенти Доналд Трамп бир қатор араб ва мусулмон давлатлари етакчиларига қўнғироқ қилиб, уларни Эрон билан эҳтимолий келишувдан кейин Исроил билан тинчлик битимларига қўшилишга чақирди. Бу ҳақда Axios нашри икки америкалик амалдорга таяниб хабар берди.Портал маълумотларига кўра, Трамп шанба куни Саудия Арабистони, БАА, Қатар, Покистон, Туркия, Миср, Иордания ва Баҳрайн раҳбарлари билан телефон орқали мулоқот қилган.Суҳбатда АҚШнинг Эрон билан эҳтимолий келишуви ва минтақадаги кейинги қадамлар муҳокама қилинган. Axios манбаларига кўра, Трамп агар Эрон билан уруш якунланса, Исроил билан тинчлик келишувига эга бўлмаган давлатлар Авраам битимларига қўшилиши ва яҳудий давлати билан муносабатларни нормаллаштиришини кутаётганини билдирган.Шу билан бирга, қўнғироқда иштирок этган сиёсатчилар АҚШнинг Эрон билан эҳтимолий келишувини қўллаб-қувватлашларини билдиргани айтилмоқда.Трамп аввалроқ Эрон билан музокаралар “конструктив” кетаётганини таъкидлаган. AP маълумотига кўра, АҚШ президенти музокарачиларга келишувга шошилмасликни айтган, чунки Вашингтон вақт ўз томонида деб ҳисобламоқда.
АҚШ президенти Доналд Трамп Саудия Арабистони, Қатар, Покистон, Туркия ва бошқа давлатлар етакчилари билан мулоқотда Исроил билан муносабатларни нормаллаштириш масаласини кўтарди.
ТОШКЕНТ, 25 май — Sputnik. АҚШ президенти Доналд Трамп бир қатор араб ва мусулмон давлатлари етакчиларига қўнғироқ қилиб, уларни Эрон билан эҳтимолий келишувдан кейин Исроил билан тинчлик битимларига қўшилишга чақирди. Бу ҳақда Axios нашри икки америкалик амалдорга таяниб хабар берди.
Портал маълумотларига кўра, Трамп шанба куни Саудия Арабистони, БАА, Қатар, Покистон, Туркия, Миср, Иордания ва Баҳрайн раҳбарлари билан телефон орқали мулоқот қилган.
Суҳбатда АҚШнинг Эрон билан эҳтимолий келишуви ва минтақадаги кейинги қадамлар муҳокама қилинган. Axios манбаларига кўра, Трамп агар Эрон билан уруш якунланса, Исроил билан тинчлик келишувига эга бўлмаган давлатлар Авраам битимларига қўшилиши ва яҳудий давлати билан муносабатларни нормаллаштиришини кутаётганини билдирган.
Манбаларнинг айтишича, Исроил билан расмий дипломатик алоқаларга эга бўлмаган Саудия Арабистони, Қатар ва Покистон раҳбарлари Трампнинг таклифидан ҳайратда қолган.
Шу билан бирга, қўнғироқда иштирок этган сиёсатчилар АҚШнинг Эрон билан эҳтимолий келишувини қўллаб-қувватлашларини билдиргани айтилмоқда.
Трамп аввалроқ Эрон билан музокаралар “конструктив” кетаётганини таъкидлаган. AP маълумотига кўра, АҚШ президенти музокарачиларга келишувга шошилмасликни айтган, чунки Вашингтон вақт ўз томонида деб ҳисобламоқда.
Авраам битимлари 2020 йилда АҚШ воситачилигида Исроил ва бир қатор араб давлатлари ўртасида муносабатларни нормаллаштириш жараёни сифатида бошланган. АҚШ Давлат департаменти ҳужжатларига кўра, ушбу келишувлар Яқин Шарқда тинчлик ва ҳамкорликни мустаҳкамлашга қаратилган.
