Ўзбекистонда тўловлар учун универсал QR-код жорий этилади

© Sputnik / Максим Блинов / Медиабанкка ўтишQR-код
QR-код - Sputnik Ўзбекистон, 1920, 29.11.2025
Oбуна бўлиш
Тўловлар учун ягона QR-код тизими бозорга тўлиқ татбиқ этилиши 2026 йил февралига мўлжалланган.
ТОШКЕНТ, 29 ноя — Sputnik. Марказий банк нақд пулсиз ҳисоб-китоблар учун универсал кодни жорий этишга тайёрланмоқда. Бу президентнинг Ўзбекистонда молиявий технологиялар соҳасини ривожлантиришга қаратилган қарорида белгиланган.
Универсал QR-код пилот лойиҳаси 2025 йилнинг декабрь ойида синов тариқасида ишга туширилади. Лойиҳада банклар ва тўлов институтлари иштирок этади.
Келаси йил бошигача универсал QR-код бўйича тегишли норматив-ҳуқуқий ҳужжат лойиҳасини ишлаб чиқиш ва тасдиқлаш вазифаси топширилган. Февралдан эса тўлов хизматлари бозорида QR-код амалиётга жорий этиш кўзда тутилмоқда.
Апрель ойида Марказий банкнинг Тўлов тизимлари департаменти раҳбари ўринбосари Миразиз Мирҳаётов Ўзбекистонда нақд пулсиз ҳисоб-китобларда универсал тўлов QR-кодини яратиш режалаштирилаётганини маълум қилганди.
Девушка с кредитной картой в руке перед ноутбуком - Sputnik Ўзбекистон, 1920, 29.11.2025
Ўзбекистонда фуқароларга иш ҳақи олинадиган банкни эркин танлаш ҳуқуқи берилади
Янгиликлар лентаси
0