Ўзбекистонда вояга етмаганларга нисбатан жиноий жавобгарлик либераллаштирилади
13:49 02.08.2025 (янгиланди: 13:56 02.08.2025)
© Sputnik / Виталий Белоусов
Oбуна бўлиш
Қонун билан Жиноят кодексининг бир қатор моддаларига қўшимча ва ўзгартиш киритилмоқда.
ТОШКЕНТ, 2 авг – Sputnik. Ўзбекистонда вояга етмаганларга нисбатан жиноий жавобгарлик либераллаштирилади. Бу ҳақда Олий Мажлис Сенати матбуот хизмати хабар берди.
Сенатнинг 9-ялпи мажлисида “Вояга етмаганларга нисбатан жиноий жавобгарлик янада либераллаштирилиши муносабати билан Ўзбекистон Республикасининг Жиноят кодексига қўшимча ва ўзгартиришлар киритиш тўғрисида”ги Қонун муҳокама қилинди.
Либерализуется уголовная ответственность в отношении несовершеннолетних
© Сенат Олий Мажлиса
Статистик рақамларга кўра, Ўзбекистонда 2023 йилда 1 911 нафар, 2024 йилда 2214 нафар вояга етмаган шахс жиноий жавобгарликка тортилган ва судланган. Ўтган йилда ижтимоий хавфи катта бўлмаган жиноятлар 1 238 та, унча оғир бўлмаган жиноятлар сони эса 855 тани ташкил қилган.
Либерализуется уголовная ответственность в отношении несовершеннолетних
© Сенат Олий Мажлиса
Қонун “2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга доир Давлат дастурида белгиланган вазифалар ижросини таъминлаш мақсадида ишлаб чиқилган.
Либерализуется уголовная ответственность в отношении несовершеннолетних
© Сенат Олий Мажлиса
Қонун билан Жиноят кодексининг бир қатор моддаларига қўшимча ва ўзгартиш киритилмоқда.
Жумладан, ўн саккиз ёшга тўлгунига қадар содир этган ўта оғир бўлмаган жинояти учун жазони ўтаб бўлган шахс судланмаган деб ҳисобланиши белгиланмоқда.
Шунингдек, Қонунда вояга етмаганларга нисбатан озодликни чеклашнинг ҳамда озодликдан маҳрум қилишнинг энг кам муддати олти ойдан бир ойгача қисқартирилиши назарда тутилмоқда.
Либерализуется уголовная ответственность в отношении несовершеннолетних
© Сенат Олий Мажлиса
Сенаторларнинг фикрича, ушбу Қонун вояга етмаганларга нисбатан жиноий жавобгарликни янада либераллаштиришга хизмат қилади ва ўн саккиз ёшга тўлгунига қадар содир этган жинояти учун жазони ўтаб бўлган шахсга ҳаётини судланганлик тамғасидан холи тарзда давом эттириши учун шароит яратади.
Қонун сенаторлар томонидан маъқулланди.
