Ўзбекистонда қатор тайинловлар амалга оширилди
09:34 01.08.2025 (янгиланди: 10:25 01.08.2025)
© Sputnik / Евгений Биятов / Медиабанкка ўтишПетербургский международный экономический форум. День первый

© Sputnik / Евгений Биятов
/ Oбуна бўлиш
Ўзбекистон мактабгача ва мактаб таълими вазири тайинланди ва Президент администрациясида янги тайинловлар амалга оширилди.
ТОШКЕНТ, 1 авг – Sputnik. Ўзбекистон президенти фармони ва Президент администрацияси фармойиши билан қатор тайинловлар амалга оширилди. Бу ҳақда президент матбуот котиби Шерзод Асадов маълум қилди.
Президентнинг тегишли фармони билан:
Эъзозхон Гапиржановна Каримова Ўзбекистон мактабгача ва мактаб таълими вазири лавозимига тасдиқланди.
© Maktabgacha va maktab ta'limi vazirligiКаримова Эзозхон Гапирджоновна — Мактабгача ва мактаб талими вазири лавозимига тайинланди

Каримова Эзозхон Гапирджоновна — Мактабгача ва мактаб талими вазири лавозимига тайинланди
© Maktabgacha va maktab ta'limi vazirligi
Бундан илгарироқ Эъзозхон Каримова номзоди Олий Мажлис Қонунчилик палатаси депутатлари томонидан маъқулланган эди.
У бунга қадар Мактабгача ва мактаб таълими вазири ўринбосари — Низомий номидаги Ўзбекистон миллий педагогика университети ректори вазифасида ишлаб келаётган эди.
Эъзозхон Каримова 2021 йилда Президент, ижод ва ихтисослаштирилган мактабларни ривожлантириш агентлиги бўлими бошлиғи, 2021-2023 йилларда Президент таълим муассасалари агентлиги директори маслаҳатчиси лавозимларида ишлаган.
2023-2024 йилларда Мактабгача ва мактаб таълими вазирлиги тизимидаги “Янги Ўзбекистон” университетининг ёшлар масалалари ва маънавий-маърифий ишлар бўйича проректори вазифасида иш олиб борган.
Шунингдек, Президент администрациясининг фармойиши билан:
Элмурод Иқболжон ўғли Нажимов Ўзбекистон Президенти администрацияси Креатив иқтисодиёт ва туризм бўйича департаменти бошлиғи ўринбосари лавозимига;
Ҳикматилла Шуҳратилла ўғли Убайдуллаев Ўзбекистон Президенти администрацияси Молиявий технологиялар, рақамлаштириш ва сунъий интеллект бўйича департаменти бошлиғи ўринбосари лавозимига тайинланди.