Ўзбекистон ташқи ишлар вазири Қирғизистон президенти билан учрашди
15:57 31.07.2025 (янгиланди: 15:58 31.07.2025)
© Baxtiyor Saidov/TelegramПрезидент Кыргызстана обсудил с главой МИД Узбекистана проекты Камбаратинской ГЭС-1 и жд "Кыргызстан - Китай - Узбекистан"

Oбуна бўлиш
Ўзбекистон ва Қирғизистон ташқи ишлар вазирликлари яқин ҳамкорликни давом эттириши таъкидланди.
ТОШКЕНТ, 31 июл – Sputnik. Ўзбекистон ташқи ишлар вазири Бахтиёр Саидов бошчилигидаги делегация Қирғизистон президенти Садир Жапаров томонидан қабул қилинди. Бу ҳақда Саидов Телеграм каналида хабар берди.
Саидов Ўзбекистон президенти Шавкат Мирзиёевнинг самимий саломларини Садир Жапаровга етказди.
“Мамлакатларимиз ўртасидаги стратегик шериклик ва қардошлик муносабатлари мисли кўрилмаган суръатлар билан ривожланиб, барқарор тараққиёт учун энг қулай шарт-шароитларни яратмоқда. Давлатларимиз раҳбарларининг тинимсиз саъй-ҳаракатлари туфайли, икки мамлакат ўртасида ҳеч қандай ҳал этилмаган масала қолмади”, - дейди Ўзбекистон ташқи ишлар вазири.
Қайд этилишича, кун тартиби кенг қамровли бўлиб, барча йўналишларни қамраб олди.
© Baxtiyor Saidov/TelegramПрезидент Кыргызстана обсудил с главой МИД Узбекистана проекты Камбаратинской ГЭС-1 и жд "Кыргызстан - Китай - Узбекистан"

Президент Кыргызстана обсудил с главой МИД Узбекистана проекты Камбаратинской ГЭС-1 и жд "Кыргызстан - Китай - Узбекистан"
“Инфратузилмадан тортиб гуманитар йўналишгача бўлган барча соҳалардаги қўшма лойиҳаларимиз нафақат икки давлат манфаатларига, балки бутун минтақа ва ундан кенгроқ ҳудудлар тараққиётига ҳам хизмат қилмоқда”, - деб ёзди Саидов.
Ўзбекистон ва Қирғизистон ташқи ишлар вазирликлари барча эришилган келишувларнинг тўлиқ амалга оширилишини таъминлаш йўлида яқин ҳамкорликни давом эттириши таъкидланди.