Медведев: Трампнинг кескин сўзлари Россиянинг ҳақлигини тасдиқлайди

© Sputnik / Екатерина Штукина / Медиабанкка ўтишЗаседание программной комиссии партии "Единая Россия"
Заседание программной комиссии партии Единая Россия  - Sputnik Ўзбекистон, 1920, 31.07.2025
Oбуна бўлиш
Трамп Россия ва Украина ўртасидаги можарони ҳал қилиш учун берган 50 кунлик муддатини қисқартирганлигини эълон қилди. Бунга жавобан Медведев Россия Исроил эмаслигини, ҳар бир янги ультиматум эса ўз мамлакати билан уруш томон қўйилган қадам ва таҳдид эканлигини эслатди.
ТОШКЕНТ, 31 июл – Sputnik. Россия Хавфсизлик кенгаши раиси ўринбосари Дмитрий Медведев Дональд Трампнинг ўзига нисбатан кескин баёнотларига муносабат билдириб, бундай муносабат фақат Россиянинг ҳақлигини тасдиқлаётганини айтди.
"Агар Россия собиқ президентининг баъзи сўзлари бутун бошли даҳшатли АҚШ президентида шундай асабий реакция уйғотса, демак, Россия ҳамма нарсада ҳақ ва ўз йўлида давом этади", - деб ёзди у Телеграм-каналида.
Медведев, шунингдек, Трампнинг Россия ва Ҳиндистоннинг "ўлик иқтисодиёти" ҳақидаги баёнотига жавобан, АҚШ президентига ўзи яхши кўрадиган "юрадиган ўликлар" тўғрисидаги фильмларини эслашни маслаҳат берди.
Ғарбда "ўлик қўл" деб Россиянинг "Периметр" оммавий ядровий жавоб зарбасини бошқариш тизими айтилади, у мамлакат раҳбарияти ҳалок бўлган тақдирда қўлланишга мўлжалланган.
28 июль куни Трамп Россия ва Украина ўртасидаги можарони ҳал қилиш учун берган 50 кунлик муддатини қисқартирганлигини эълон қилди. Бунга жавобан Медведев Россия Исроил эмаслигини, ҳар бир янги ультиматум эса ўз мамлакати билан уруш томон қўйилган қадам ва таҳдид эканлигини эслатди.
Бунга Трамп Truth Social ижтимоий тармоғидаги ўз саҳифасида кескин муносабат билдириб, Медведевни "жуда хавфли ҳудудга кириб бораётганлиги" тўғрисида огоҳлантирди.
Трамп 14 июль куни Москвадан Киев билан тинчлик битимини тузишни талаб қилиб, 50 кунлик ультиматум қўйган. Кейинчалик эса бу муддатни 10-12 кунгача қисқартирганлигини айтганди.
Дмитрий Медведев, архивное фото - Sputnik Ўзбекистон, 1920, 29.07.2025
Россиянинг Донбассдаги махсус ҳарбий операцияси
Медведев Трампнинг Украина бўйича ультиматумини таҳдид деб атади
Янгиликлар лентаси
0