https://sputniknews.uz/20250729/mirziyoev-sanat-hunarmandchilik-50895380.html
Мирзиёев санъат ва ҳунармандчиликка оид таклифлар билан танишди
Мирзиёев санъат ва ҳунармандчиликка оид таклифлар билан танишди
Sputnik Ўзбекистон
Андижонда Шерали Жўраев номидаги мусиқа ва санъат олий мактаби, ҳудудларда симфоник оркестрлар ташкил этилади. Сентябрдан ноябргача бўлган даврда Бухорода илк бор замонавий санъат биенналеси бўлиб ўтади, унда 40 та мамлакатдан 70 нафар таниқли рассом иштирок этади.Нукус шаҳридаги "Истиқлол" истироҳат боғи ижодий кластерга айлантирилади
2025-07-29T09:16+0500
2025-07-29T09:16+0500
2025-07-29T09:16+0500
маданият
ўзбекистон
шавкат мирзиёев
ҳунармандлар
санъат
https://cdn1.img.sputniknews.uz/img/07e9/07/1d/50894635_0:67:1280:787_1920x0_80_0_0_007adc3956201365e9938cc8114f77df.jpg
ТОШКЕНТ, 29 июл – Sputnik. Ўзбекистон президенти Шавкат Мирзиёев маданият ва санъат соҳасида бошқарувни такомиллаштириш, ҳунармандчиликни ривожлантириш бўйича таклифлар тақдимоти билан танишди. Бу ҳақда давлат раҳбари матбуот хизмати хабар қилди.Таъкидланишича, маданият марказлари фаолиятига давлат-хусусий шериклик механизмларини жорий этиш, ижодий ғояларни қўллаб-қувватловчи стартап лойиҳаларни амалга ошириш режалаштирилмоқда.Ўзбекистон брендини шакллантирадиган, ёшларда ватанпарварлик туйғусини кучайтирувчи маҳаллий тарихий, илмий ва анимацион маҳсулотларни яратишга кўмак кўрсатилиши кутилмоқда.Президент бу борадаги илғор хорижий тажрибани босқичма-босқич жорий этиш бўйича топшириқлар берди.Аввалроқ Ўзбекистонда Ботир Зокиров номидаги Миллий эстрада санъати институти ташкил этилган эди. Институт бакалавриатининг энг фаол битирувчилари хорижга магистратурага ўқишга юборилади, иқтидорли талабаларнинг нуфузли халқаро танловлардаги иштироки қўллаб-қувватланади.Президент Андижон вилоятига сафари чоғида халқ артисти Шерали Жўраев хотирасини абадийлаштириш ташаббусини ҳам илгари сурган эди. Олий мактабда илмий-ижодий лаборатория ташкил этилиб, Шерали Жўраев қўшиқларининг олтин фонди шакллантирилади. Шунингдек, иқтидорли ёш ижрочилар имтиёзли равишда фойдаланиши мумкин бўлган овоз ёзиш ва видеостудия очиш режалаштирилган.Бугунги кунда мамлакатда Ўзбекистон давлат симфоник оркестри ва филармония таркибида 8 та профессионал оркестр фаолият кўрсатмоқда. Ҳудудларда ҳам шундай оркестрларни босқичма-босқич ташкил этиш тўғрисида қарор қабул қилинди. Хусусан, Фарғона вилоятида халқ чолғулари оркестри ва симфоник оркестри ташкил этилади. Улар зарур мусиқа асбоблари, овоз ва ёритиш ускуналари, саҳна либослари ва бошқа инвентарлар билан тўлиқ таъминланади.Давлат раҳбари миллий ва жаҳон санъатининг энг сара намуналарини кенг оммага етказиш, мамлакат вилоятлари ва шаҳарлари бўйлаб гастрол сафарларини ташкил этиш зарурлигини таъкидлади.Йиғилишда Ўзбекистонда креатив иқтисодиётни ривожлантириш учун кенг имкониятлар мавжудлиги таъкидланди. Бугунги кунда ушбу соҳада 14 минг корхона фаолият юритиб, уларда қарийб 100 минг киши меҳнат қилмоқда. Келгуси беш йилда бунёдкорлик иқтисодиёти ҳажмини икки баробарга ошириш, унинг ялпи ички маҳсулотдаги улушини 5 фоизга етказиш режалаштирилган.Тақдимотда ҳунармандчиликни ривожлантириш бўйича ҳам таклифлар кўриб чиқилди.Хусусан, Буюк Британия Қироллик фонди билан ҳамкорликда Тошкентда академик платформа яратиш режалаштирилган. Ундан магистрлар тайёрлашни ташкил этиш, илмий тадқиқотлар олиб бориш ва ўқув-услубий қўлланмаларни жорий этишда фойдаланилади. Ушбу платформага 3000 нафардан ортиқ иқтидорли ҳунармандларни босқичма-босқич улаш режалаштирилган. Келгусида у тўлақонли амалий санъат мактабига айланади.Сентябрдан ноябргача бўлган даврда Бухорода илк бор замонавий санъат биенналеси бўлиб ўтади, унда 40 та мамлакатдан 70 нафар таниқли рассом иштирок этади.Нукус шаҳридаги "Истиқлол" истироҳат боғи ижодий кластерга айлантирилади, унинг доирасида Орол мактаби — ҳунармандлар ва дизайнерлар учун анъанавий билимларни инновацион ёндашувлар билан уйғунлаштирган таълим майдони ташкил этилади.
https://sputniknews.uz/20250702/ozbekiston-tasviriy-amaliy-sanat-rejalar-50296263.html
ўзбекистон
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2025
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
мирзиёев санъат ва ҳунармандчиликка оид таклифлар
мирзиёев санъат ва ҳунармандчиликка оид таклифлар
Мирзиёев санъат ва ҳунармандчиликка оид таклифлар билан танишди
Андижонда Шерали Жўраев номидаги мусиқа ва санъат олий мактаби, ҳудудларда симфоник оркестрлар ташкил этилади.
ТОШКЕНТ, 29 июл – Sputnik. Ўзбекистон президенти Шавкат Мирзиёев маданият ва санъат соҳасида бошқарувни такомиллаштириш, ҳунармандчиликни ривожлантириш бўйича таклифлар тақдимоти билан танишди. Бу ҳақда давлат раҳбари матбуот хизмати
хабар қилди.
Таъкидланишича, маданият марказлари фаолиятига давлат-хусусий шериклик механизмларини жорий этиш, ижодий ғояларни қўллаб-қувватловчи стартап лойиҳаларни амалга ошириш режалаштирилмоқда.
Ўзбекистон брендини шакллантирадиган, ёшларда ватанпарварлик туйғусини кучайтирувчи маҳаллий тарихий, илмий ва анимацион маҳсулотларни яратишга кўмак кўрсатилиши кутилмоқда.
Президент бу борадаги илғор хорижий тажрибани босқичма-босқич жорий этиш бўйича топшириқлар берди.
Аввалроқ Ўзбекистонда Ботир Зокиров номидаги Миллий эстрада санъати институти ташкил этилган эди.
Эндиликда санъаткорнинг мемориал музейини очиш, унинг номига стипендия таъсис этиш ва эстрада санъати халқаро танловини ўтказиш режалаштирилган.
Институт бакалавриатининг энг фаол битирувчилари хорижга магистратурага ўқишга юборилади, иқтидорли талабаларнинг нуфузли халқаро танловлардаги иштироки қўллаб-қувватланади.
Президент Андижон вилоятига сафари чоғида халқ артисти Шерали Жўраев хотирасини абадийлаштириш ташаббусини ҳам илгари сурган эди.
Андижон шаҳридаги ихтисослаштирилган санъат мактаби негизида Шерали Жўраев номидаги Мусиқа ва санъат олий мактаби ташкил этилади. Унинг номидаги миллий қўшиқчилик телетанлови ҳар йили ўтказилади.
Олий мактабда илмий-ижодий лаборатория ташкил этилиб, Шерали Жўраев қўшиқларининг олтин фонди шакллантирилади. Шунингдек, иқтидорли ёш ижрочилар имтиёзли равишда фойдаланиши мумкин бўлган овоз ёзиш ва видеостудия очиш режалаштирилган.
Бугунги кунда мамлакатда Ўзбекистон давлат симфоник оркестри ва филармония таркибида 8 та профессионал оркестр фаолият кўрсатмоқда. Ҳудудларда ҳам шундай оркестрларни босқичма-босқич ташкил этиш тўғрисида қарор қабул қилинди. Хусусан, Фарғона вилоятида халқ чолғулари оркестри ва симфоник оркестри ташкил этилади. Улар зарур мусиқа асбоблари, овоз ва ёритиш ускуналари, саҳна либослари ва бошқа инвентарлар билан тўлиқ таъминланади.
Давлат раҳбари миллий ва жаҳон санъатининг энг сара намуналарини кенг оммага етказиш, мамлакат вилоятлари ва шаҳарлари бўйлаб гастрол сафарларини ташкил этиш зарурлигини таъкидлади.
Йиғилишда Ўзбекистонда креатив иқтисодиётни ривожлантириш учун кенг имкониятлар мавжудлиги таъкидланди. Бугунги кунда ушбу соҳада 14 минг корхона фаолият юритиб, уларда қарийб 100 минг киши меҳнат қилмоқда. Келгуси беш йилда бунёдкорлик иқтисодиёти ҳажмини икки баробарга ошириш, унинг ялпи ички маҳсулотдаги улушини 5 фоизга етказиш режалаштирилган.
Тақдимотда ҳунармандчиликни ривожлантириш бўйича ҳам таклифлар кўриб чиқилди.
Хусусан, Буюк Британия Қироллик фонди билан ҳамкорликда Тошкентда академик платформа яратиш режалаштирилган. Ундан магистрлар тайёрлашни ташкил этиш, илмий тадқиқотлар олиб бориш ва ўқув-услубий қўлланмаларни жорий этишда фойдаланилади. Ушбу платформага 3000 нафардан ортиқ иқтидорли ҳунармандларни босқичма-босқич улаш режалаштирилган. Келгусида у тўлақонли амалий санъат мактабига айланади.
Сентябрдан ноябргача бўлган даврда Бухорода илк бор замонавий санъат биенналеси бўлиб ўтади, унда 40 та мамлакатдан 70 нафар таниқли рассом иштирок этади.
Нукус шаҳридаги "Истиқлол" истироҳат боғи ижодий кластерга айлантирилади, унинг доирасида Орол мактаби — ҳунармандлар ва дизайнерлар учун анъанавий билимларни инновацион ёндашувлар билан уйғунлаштирган таълим майдони ташкил этилади.
