Боевая подготовка подразделений ВДВ на полигоне в зоне СВО. - Sputnik Ўзбекистон, 1920, 24.02.2022
Россиянинг Донбассдаги махсус ҳарбий операцияси
Россия 21 февраль куни Донецк ва Луганск халқ республикаларини тан олишини эълон қилди, 24 февраль куни эса Владимир Путин Донбассда махсус ҳарбий операция бошланганини маълум қилди. Россия Мудофаа вазирлиги Украина ҳарбий инфратузилмасига, хусусан қурол-яроғ омборлари ва аэродромларга зарба берди.

Трамп Мерцга Украина учун АҚШдан бешта Patriot тизимини сотиб олишни таклиф қилди — ОАВ

© Getty Images / picture alliance/Jens BüttnerУкраинские военные на полигоне в Германии. Архивное фото
Украинские военные на полигоне в Германии. Архивное фото
 - Sputnik Ўзбекистон, 1920, 16.07.2025
Oбуна бўлиш
Трамп 11 июль куни бўлиб ўтган қўнғироқ чоғида Германия канцлерига Киев учун иккита ўрнига бешта Patriot тизимини сотиб олишни таклиф қилди.
ТОШКЕНТ, 16 июл — Sputnik. АҚШ президенти Дональд Трамп 11 июль куни бўлиб ўтган қўнғироқ чоғида Германия канцлери Фридрих Мерцга Киев учун иккита ўрнига бешта Patriot тизимини сотиб олишни таклиф қилди. Мерц рози бўлди, аммо у бу масалани бошқа Европа етакчилари билан муҳокама қилиши керак, деб ёзади Wall Street Journal манбаларга таяниб.
Нашр манбаларига кўра, Трамп Мерцга немис маблағларидан Киевга Америка қуролларини сотиб олиш учун фойдаланиш ҳақидаги таклифини қабул қилишга тайёрлигини айтган.
“Мерцга ўз-ўзидан қўнғироқ қилган Трамп иккита эмас, бешта Patriot тизимини сотишни таклиф қилди. Германия етакчиси шу заҳотиёқ рози бўлди, гарчи у бошқа Европа етакчилари билан молиялаштиришни муҳокама қилиши керак бўлса ҳам”, — дейилади мақолада.
Трамп 11 июль куни НАТО Украинага етказиб бериладиган Америка қуроллари учун пул тўлашини эълон қилди. Шу билан бирга, Америка етакчисининг аниқлик киритишича, ташкилотнинг июнь ойида бўлиб ўтган саммитида блок билан тегишли келишувга эришилган, унга кўра, Қўшма Штатлар НАТОга қурол етказиб беради ва НАТО бу қуролларнинг тўлиқ нархини Қўшма Штатларга қоплаб беради.
Кейинчалик у Киев режимига бўлажак ҳарбий ёрдам Patriot батареяларини ўз ичига олишини, баъзи давлатлар ўзларининг мавжуд Patriot ҳаво мудофаа тизимларини Киевга беришини ва Америка ўз арсеналларини янги тизимлар билан тўлдиришини таъкидлади.
Кремлнинг таъкидлашича, Ғарбнинг Киевга қурол-яроғ киритиши Россия-Украина музокараларининг муваффақиятига ҳисса қўшмайди ва салбий таъсир кўрсатади. Россия ташқи ишлар вазири Сергей Лавров АҚШ ва НАТО Украинадаги можарода бевосита иштирок этаётганини, жумладан, нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш орқали ҳам иштирок этаётганини таъкидлаган.
Встреча президента России Владимира Путина и президента США Дональда Трампа - Sputnik Ўзбекистон, 1920, 04.07.2025
Россиянинг Донбассдаги махсус ҳарбий операцияси
Украина можароси, Яқин Шарқдаги вазият: Путин ва Трамп телефон мулоқоти ўтказди
Янгиликлар лентаси
0