https://sputniknews.uz/20250630/media-erevan-rossiyal-vatandoshlar-anjuman-50267469.html
Чегара билмас медиа: Ереванда россиялик ватандошлар анжумани қандай ўтди?
Чегара билмас медиа: Ереванда россиялик ватандошлар анжумани қандай ўтди?
Sputnik Ўзбекистон
Еревандаги Москва уйида "Москва билан мулоқот" халқаро медиа-форуми бўлиб ўтди, унда қўшни давлатлар, Европа, Осиё, Африка ва Лотин Америкасидан 60 дан ортиқ русийзабон ОАВ ва ватандошлар ташкилотлари вакиллари иштирок этди
2025-06-30T16:48+0500
2025-06-30T16:48+0500
2025-06-30T16:48+0500
жамият
ўзбекистон
арманистон
ереван
оав
форум
https://cdn1.img.sputniknews.uz/img/07e9/06/1e/50267806_0:0:1280:721_1920x0_80_0_0_61f78ee81ae037b0ffc8d31744a89d3a.jpg
TOШКЕНТ, 30 июн — Sputnik. Еревандаги Москва уйида "Москва билан мулоқот" халқаро медиа-форуми бўлиб ўтди, унда қўшни давлатлар, Европа, Осиё, Африка ва Лотин Америкасидан 60 нафардан ортиқ русийзабон ОАВ ва ватандошлар ташкилотлари вакиллари иштирок этди, дея хабар берди Sputnik Ўзбекистон мухбири. Иштирокчилар орасида Ўзбекистон, Қозоғистон, Қирғизистон, Жанубий Осетия, Италия, Швеция, Жазоир, Марокаш, Чили ва бошқа давлатлар вакиллари бор эди. Тадбир Москва ҳукумати, Москва шаҳар ташқи иқтисодий ва халқаро алоқалар департаменти, Москва Ватандошлар уйи ва Еревандаги Москва уйи томонидан ташкил этилди. Россия ТИВ расмий вакили Мария Захарова россиялик ватандошларнинг оммавий ахборот воситалари анжумани ташкилотчилари ва иштирокчиларига видеомурожаат йўллади. Шунингдек, у журналистларнинг тарихий ҳақиқатни сақлаб қолиш учун биргаликдаги саъй-ҳаракатлари, айниқса Совет Иттифоқи халқларининг фашистлар Германияси устидан қозонилган Ғалабага қўшган ҳал қилувчи ҳиссасини ёритиш муҳимлигини таъкидлади. Иштирокчилар ўз тажрибалари билан ўртоқлашдилар: Москва давлат халқаро муносабатлар институти (МГИМО) Халқаро журналистика факультети декани Ярослав Скворцов, "Вечерняя Москва" нашриёт уйи махсус лойиҳалари бош муҳаррири Елена Добрюха, Биринчи канал актёри ва бошловчиси Никита Пименов, "Аргументы и Факты" газетасининг "Москва" бўлими муҳаррири Роман Солдатов, "Вечерняя Москва" сайти бош муҳаррири Александр Глуходедов. Форум доирасида Москвадаги Ватандошлар уйи директорининг биринчи ўринбосари Анна Колесникова Ўзбекистон билан ҳамкорликни ривожлантириш ҳақида сўзлаб берди. Ярослав Скворцов, шунингдек, МГИМОнинг Ўзбекистон билан ҳамкорликни ривожлантириш режалари билан ўртоқлашди ва республикада яна университет битирувчилари форуми ўтказилишига умид билдирди. Россиялик ватандошларнинг Бутунжаҳон мувофиқлаштирувчи кенгаши раиси Михаил Дроздов томонидан ўтказилган тарихий хотирани асраб-авайлаш ҳақидаги мунозара форумнинг энг ҳиссиётларга бой эпизодларидан бири бўлди. Бу бугунги кунда тарихий фактлар қандай бузиб кўрсатилаётгани, ўтмиш ҳақида маълумот бўлмаса, ёлғонга ишониш осонлиги ва ҳақиқатни ҳимоя қилиш нима учун муҳимлиги ҳақида очиқ ва чуқур суҳбат эди. Турли мамлакатлардан келган иштирокчилар фейкларга қарши курашиш бўйича ўз тажрибалари билан ўртоқлашишди ва ўзларининг медиа ташаббуслари ҳақида сўзлаб беришди. Муҳокама доирасида Sputnik Арманистон ахборот агентлиги ва радиоси раҳбари Дмитрий Писаренко сўзга чиқди. У Арманистоннинг рус тилидаги электрон оммавий ахборот воситаларидаги ишларнинг ҳозирги ҳолати ҳақида гапирди, долзарб муаммоларни кўрсатиб ўтди ва ҳамкорликни кенгайтириш бўйича ғояларни эълон қилди. Хотира ва қайғу кунида иштирокчилар Совет Иттифоқининг Улуғ Ватан урушидаги Ғалабаси шарафига ўрнатилган "Арманистон онаси" ёдгорлигига гуллар қўйишди. Форум якунида Арманистоннинг дурдонаси — Севан кўлига саёҳат уюштирилди. Бу минтақадаги энг йирик баланд тоғ кўлларидан бири бўлиб, ўзининг табиий гўзаллиги билан ҳайратда қолдиради: тиниқ мовий сув, тоза ҳаво, хушманзара тоғ манзаралари. Бу ерда, улуғвор тепаликлар ва тубсиз осмон фонида иштирокчилар Арманистоннинг ҳақиқий атмосферасини ҳис қилишди. Экскурсиячи Марям Дабагян Арманистон ва Ўзбекистон ўртасидаги илиқ, дўстона муносабатлар узоқ ўтмишда шаклланганини эслатиб ўтди. У Ўзбекистондан Арманистонга сайёҳлар оқими фақат ўсиб боришига ишонч билдирди.
ўзбекистон
арманистон
ереван
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2025
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
ереван москва уйи "москва билан мулоқот" халқаро медиа-форуми sputnik ўзбекистон москва давлат халқаро муносабатлар институти мгимо ярослав скворцов "вечерняя москва" нашриёт уйи елена добрюха биринчи канал актёри ва бошловчиси никита пименов "аргументы и факты" газетаси роман солдатов "вечерняя москва" александр глуходедов
ереван москва уйи "москва билан мулоқот" халқаро медиа-форуми sputnik ўзбекистон москва давлат халқаро муносабатлар институти мгимо ярослав скворцов "вечерняя москва" нашриёт уйи елена добрюха биринчи канал актёри ва бошловчиси никита пименов "аргументы и факты" газетаси роман солдатов "вечерняя москва" александр глуходедов
Чегара билмас медиа: Ереванда россиялик ватандошлар анжумани қандай ўтди?
Эксклюзив
Ереванда россиялик ватандошларнинг "Москва билан мулоқот" номли масс-медиа анжумани бўлиб ўтди.
TOШКЕНТ, 30 июн — Sputnik. Еревандаги Москва уйида "Москва билан мулоқот" халқаро медиа-форуми бўлиб ўтди, унда қўшни давлатлар, Европа, Осиё, Африка ва Лотин Америкасидан 60 нафардан ортиқ русийзабон ОАВ ва ватандошлар ташкилотлари вакиллари иштирок этди, дея хабар берди Sputnik Ўзбекистон мухбири.
Иштирокчилар орасида Ўзбекистон, Қозоғистон, Қирғизистон, Жанубий Осетия, Италия, Швеция, Жазоир, Марокаш, Чили ва бошқа давлатлар вакиллари бор эди. Тадбир Москва ҳукумати, Москва шаҳар ташқи иқтисодий ва халқаро алоқалар департаменти, Москва Ватандошлар уйи ва Еревандаги Москва уйи томонидан ташкил этилди.
Россия ТИВ расмий вакили Мария Захарова россиялик ватандошларнинг оммавий ахборот воситалари анжумани ташкилотчилари ва иштирокчиларига видеомурожаат йўллади.
"Сизларнинг учрашувларингиз ҳар доим русийзабон хорижий ОАВ, ватандошлар ташкилотлари ва россиялик экспертларни бирлаштирган долзарб кун тартиби билан ажралиб туради. Бу сафар ҳам ташкилотчилар, менинг фикримча, жуда қизиқарли тадбирлар дастурини тайёрлашди", — деди Захарова.
Шунингдек, у журналистларнинг тарихий ҳақиқатни сақлаб қолиш учун биргаликдаги саъй-ҳаракатлари, айниқса Совет Иттифоқи халқларининг фашистлар Германияси устидан қозонилган Ғалабага қўшган ҳал қилувчи ҳиссасини ёритиш муҳимлигини таъкидлади.
Иштирокчилар ўз тажрибалари билан ўртоқлашдилар: Москва давлат халқаро муносабатлар институти (МГИМО) Халқаро журналистика факультети декани Ярослав Скворцов, "Вечерняя Москва" нашриёт уйи махсус лойиҳалари бош муҳаррири Елена Добрюха, Биринчи канал актёри ва бошловчиси Никита Пименов, "Аргументы и Факты" газетасининг "Москва" бўлими муҳаррири Роман Солдатов, "Вечерняя Москва" сайти бош муҳаррири Александр Глуходедов.
Форум доирасида Москвадаги Ватандошлар уйи директорининг биринчи ўринбосари Анна Колесникова Ўзбекистон билан ҳамкорликни ривожлантириш ҳақида сўзлаб берди.
"Бизнинг ҳамкорлигимиз турли йўналишларни қамраб олади - фестиваллар ва хотира маданий тадбирларини ўтказишдан тортиб рус тили ва рус маданиятини тарғиб қилишгача", — деди у.
Ярослав Скворцов, шунингдек, МГИМОнинг Ўзбекистон билан ҳамкорликни ривожлантириш режалари билан ўртоқлашди ва республикада яна университет битирувчилари форуми ўтказилишига умид билдирди.
Россиялик ватандошларнинг Бутунжаҳон мувофиқлаштирувчи кенгаши раиси Михаил Дроздов томонидан ўтказилган тарихий хотирани асраб-авайлаш ҳақидаги мунозара форумнинг энг ҳиссиётларга бой эпизодларидан бири бўлди. Бу бугунги кунда тарихий фактлар қандай бузиб кўрсатилаётгани, ўтмиш ҳақида маълумот бўлмаса, ёлғонга ишониш осонлиги ва ҳақиқатни ҳимоя қилиш нима учун муҳимлиги ҳақида очиқ ва чуқур суҳбат эди.
Турли мамлакатлардан келган иштирокчилар фейкларга қарши курашиш бўйича ўз тажрибалари билан ўртоқлашишди ва ўзларининг медиа ташаббуслари ҳақида сўзлаб беришди.
Муҳокама доирасида Sputnik Арманистон ахборот агентлиги ва радиоси раҳбари Дмитрий Писаренко сўзга чиқди. У Арманистоннинг рус тилидаги электрон оммавий ахборот воситаларидаги ишларнинг ҳозирги ҳолати ҳақида гапирди, долзарб муаммоларни кўрсатиб ўтди ва ҳамкорликни кенгайтириш бўйича ғояларни эълон қилди.
Хотира ва қайғу кунида иштирокчилар Совет Иттифоқининг Улуғ Ватан урушидаги Ғалабаси шарафига ўрнатилган "Арманистон онаси" ёдгорлигига гуллар қўйишди.
Форум якунида Арманистоннинг дурдонаси — Севан кўлига саёҳат уюштирилди. Бу минтақадаги энг йирик баланд тоғ кўлларидан бири бўлиб, ўзининг табиий гўзаллиги билан ҳайратда қолдиради: тиниқ мовий сув, тоза ҳаво, хушманзара тоғ манзаралари. Бу ерда, улуғвор тепаликлар ва тубсиз осмон фонида иштирокчилар Арманистоннинг ҳақиқий атмосферасини ҳис қилишди.
Экскурсиячи Марям Дабагян Арманистон ва Ўзбекистон ўртасидаги илиқ, дўстона муносабатлар узоқ ўтмишда шаклланганини эслатиб ўтди. У Ўзбекистондан Арманистонга сайёҳлар оқими фақат ўсиб боришига ишонч билдирди.
