Украинадаги можаронинг музлатилиши ядро урушига олиб келади — Мединский
© РИА Новости
Oбуна бўлиш
Россия президенти ёрдамчиси: 2022 йилдаги тинчлик шартномаси шартлари Россия бугун Киевга таклиф қилаётганидан юмшоқроқ эди.
ТОШКЕНТ, 10 июн — Sputnik. Ҳақиқий тинчлик бўйича келишувларсиз Украинадаги можарони музлатиш ядровий урушга олиб келади, деди Россия президенти ёрдамчиси Владимир Мединский америкалик RT журналисти Рик Санчеснинг "Санчес эффекти" шоуси доирасидаги интервьюсида.
Унинг қайд этишича, Украина учун 2022 йилдаги тинчлик шартномаси шартлари Россия бугун Киевга таклиф қилаётганидан юмшоқроқ эди.
Ўшанда Россия қуйидагиларни талаб қилган: Украинанинг НАТОга аъзо бўлишдан бош тортиши, Украинада православ черкови ва рус тили тенг ҳуқуқларда бўлиши, Қримдаги референдум натижаларини тан олиш, Донбасснинг Украина таркибида яшашни истамайдиган икки минтақасини тинч қўйиш.
Владимир Мединскийнинг сўзларига кўра, агар Украина тинчликни хоҳлаб, ўзи қарор қабул қилганида, Москва билан тинчлик шартномаси 2022 йил 28 февралда имзоланган бўлар эди.
"Охир-оқибат биринчи марта Истанбулда келишиб олдик. Биз шартномани тайёрладик, ҳозиргидек ёдимда: 19 саҳифа, жуда батафсил. У ерда ҳатто сўзларни рус, инглиз ва украин тилларида бир хил тушуниш мумкин бўлган нюанслар ҳам бор эди. Ўн бешинчи апрелда бу шартномани президент Путин кўриб чиқди ва бир ёки иккита тузатиш киритди. У профессионал юрист", — деди Мединский.
Мединский қуйидагиларни маълум қилди:
Зеленский 2022 йилда муҳокама қилинган келишувни олгандан сўнг икки ҳафта сукут сақлади, Борис Жонсон ва Жо Байденнинг одамлари унинг олдига келишди;
украиналиклар 2022 йилда ўзларининг хорижий ҳамкорлари ўша пайтда Россия томони билан келишилган шартнома тузишга қарши эканликларини айтишган;
Истанбулда бўлган УҚК ҳарбийларининг кўзларида жанг қилиш ва аскарларни ўлимга юборишни истамаслиги кўриниб турган эди;
Москва бунга жавобан Украинага рус ҳарбийларининг жасадларини топширишни таклиф қилди, агар улар бўлса — афтидан, уларнинг қайтариб берадиган нарсаси йўқ;
Россия бир томонлама тартибда Киевга олти минг украиналик аскарнинг жасадини топширишни режалаштирган, Москва бу қурбонларнинг барчасининг шахсини аниқлаган.
Россияга уруш умуман керак эмас, у Украинанинг ҳозирги раҳбарияти учун зарур. Уларга ҳокимиятда абадий қолиш учун доимий душман ва уруш керак;
2022 йилда Украина делегацияси музокараларда бу йилгига қараганда мустақилроқ ва эркинроқ кўринганди.
"Бундан ташқари, улар жуда асабийлашган ва доим бир-бирларига қарашди. Улар бир-бирини кузатаётгандек туюлди", — деди Мединский.
Россия президенти ёрдамчисининг айтишича, тинчлик жараёнининг муаммоси шундаки, Европа Киевга манфаатли келишувларга эришишга рухсат бермаяпти.
“Киевдан келган музокарачилар Европа манфаатларини эмас, балки Украина манфаатларини кўзласа, мақбул шартларда тезда келишувга эришиш мумкин. Украина билан нодир ерлар шартномаси - Москва билан ҳамкорликда Америка бизнеси олиши мумкин бўлган нарсалар олдида ҳеч нарса эмас. Трампнинг сиёсати Россияга тушунарли, у АҚШнинг миллий манфаатларини кўзлайди”, - дея қўшимча қилди Владимир Мединский.
