Тошкентда Ғалабанинг 80 йиллигига бағишланган югуриш мусобақаси бўлиб ўтади
16:09 01.05.2025 (янгиланди: 17:34 06.05.2025)
© Министерства обороны
Oбуна бўлиш
Мудофаа вазирлиги: мусобақада 2000 нафар иштирокчи ғалаба қаҳрамонлари хотирасини ёд этади.
TOШКЕНТ, 1 май — Sputnik. Тошкентда 9 май - Хотира ва қадрлаш куни ҳамда фашизм устидан қозонилган ғалабанинг 80 йиллигига бағишланган мусобақа ташкил этилади. Бу ҳақда АОКАда Мудофаа вазирлиги томонидан ўтказилган матбуот анжуманида маълум қилинди.
В Ташкенте в честь Дня памяти и почестей, а также 80-летия Победы над фашизмом пройдет праздничный забег на 5 километров под девизом "Письмо памяти новому поколению".
© Министерства обороны
Қайд этилишича, 9 май куни Тошкентда Хотира ва қадрлаш куни ҳамда фашизм устидан қозонилган ғалабанинг 80 йиллигига бағишланган “Янги авлодга хотира мактуби” шиори остида 5 км масофага югуриш мусобақаси бўлиб ўтади.
Югуриш мусобақаси пойтахтнинг “Биродарлик қабристони” ёдгорлик мажмуаси ва “Бунёдкор” стадиони ҳудудлари оралиғида ўтказилади.
Унда 2000 нафар иштирокчи ғалаба қаҳрамонлари хотирасини ёд этади.
В Ташкенте в честь Дня памяти и почестей, а также 80-летия Победы над фашизмом пройдет праздничный забег на 5 километров под девизом "Письмо памяти новому поколению".
© Министерства обороны
“Ҳар бир иштирокчи гўё Хотира элчисидир. У фронтдан келган хатни ёки жангчиларимизнинг исмлари битилган қоғоз парчасини етказиш учун, марҳумларнинг овозини тириклар қулоғига етказиш учун югуради. Бу шунчаки югуриш эмас – бу ҳар бир иштирокчи рамзий равишда битта аскарнинг тақдири ва овозини олиб борадиган йўлдир”, — дея қайд этилган хабарда.
Тадбир дастуридан қуйидагилар ўрин олган:
5 километрга югуриш;
уруш иштирокчиларига аталган рақамлар тарқатилиш;
маррага етиб келганларга эсдалик медали топширилиш;
югуриш йўли бўйлаб ўрнатилган бадиий кўргазмалар, тантанали мусиқа дастури;
биродарлик қабрлари ёнида Хотира девори ўрнатиш;
югуришнинг финишида иштирокчиларга Ўзбекистон байроқларини тарқатиш.
В Ташкенте в честь Дня памяти и почестей, а также 80-летия Победы над фашизмом пройдет праздничный забег на 5 километров под девизом "Письмо памяти новому поколению".
© Министерства обороны
“Иккинчи жаҳон уруши инсоният тарихидаги энг қонли уруш бўлган, ўша даврдаги мавжуд 73 давлатдан 62 таси унга жалб қилинган, 70 миллиондан ортиқ киши ҳалок бўлганлардан 27 миллиони жанг майдонларида жон берган. Ўзбекистон умумий ғалабага салмоқли ҳисса қўшган”, — дейилади хабарда.
Республиканинг 6,5 миллион аҳолисидан 1 миллион 951 мингга яқини фронтга жўнатилган, улардан 538 мингдан ортиғи ҳалок бўлган, 158 мингдан ортиғи бедарак йўқолган, 60 мингдан ортиғи эса ногирон бўлиб қайтган.
Иккинчи жаҳон уруши вақтида Ўзбекистон муҳим фронт орти марказига айланди, бу ерда 280 та янги корхона барпо этилди, ҳарбий маҳсулотлар ишлаб чиқариш йўлга қўйилди, 2000 дан ортиқ самолёт, 19 минг авиамотор, 18 минг миномёт, 1 миллион дона граната, 22 миллион дона мина тайёрланди.
Республика 1,5 миллионга яқин эвакуация қилинганларни, жумладан, 250 минг етим болани қабул қилиб, уларга ўз уйи ва қалбининг эшикларини очди.
Мамлакат аҳолисининг жасорати “Ғалаба боғи”даги "Матонат мадҳияси" ёдгорлигида абадийлаштирилган.
