Шавкат Мирзиёев Самарқанд иқлим форумида нутқ сўзлади
15:36 04.04.2025 (янгиланди: 16:34 04.04.2025)
© Пресс-служба президента Узбекистана
Oбуна бўлиш
Мирзиёев нутқи иқлим муаммолари ва уларга қарши кураш чораларига бағишланди.
ТОШКЕНТ, 4 апр — Sputnik. Ўзбекистон президенти бугун Самарқандда бўлиб ўтаётган Самарқанд халқаро иқлим форумида нутқ сўзлади.
Ўз нутқида Мирзиёев сўнгги йилларда глобал ҳарорат кўтарилиши оқибатида музликлар эриб, ўрмонлар ҳудудлари қисқариб, чўл ҳудудлар кенгайиб бораётганини айтиб ўтди.
"Бунинг оқибатида бугун биз барчамиз иқлим инқирозларининг салбий таъсирлари – ўрмон ёнғинлари ва чўлланиш миқёси ортиб бораётгани, музликлар қисқараётгани, сув ресурслари тақчиллиги кучаяётгани, ҳаво сифати ёмонлашаётганини ҳис қилиб турибмиз", - деди президент.
Ушбу муаммоларга қарши кураш доирасда Ўзбекистонда ўрмон ҳудудларини майдонини ошириш, кўкламзорлаштириш ва чўл ҳудудларида экинлар экиш йўлга қўйилаётгани ҳақида айтиб берди.
Шунингдек, республика илдам қадамлар билан "яшил" энергетикани ривожлантираётгани ва келгуси 5 йилда қайта тикланувчи энергия улуши 54% га етказилишини маълум қилди.
Шунингдек, Шавкат Мирзиёев 2040 йилга бориб Марказий Осиё мамлакатлари Амударё ва Сирдарё оқимининг камайиши таъсирида юқори даражадаги сув тақчиллигига дуч келишини маълум қилди ва ушбу муаммонинг олдини олиш мақсадида президент Марказий Осиёда кенг миқёсда сув тежаш технологияларини жорий этишни таклиф қилди.
Шунингдек, республика илдам қадамлар билан "яшил" энергетикани ривожлантираётгани ва келгуси 5 йилда қайта тикланувчи энергия улуши 54% га етказилишини маълум қилди.
Шунингдек, Шавкат Мирзиёев 2040 йилга бориб Марказий Осиё мамлакатлари Амударё ва Сирдарё оқимининг камайиши таъсирида юқори даражадаги сув тақчиллигига дуч келишини маълум қилди ва ушбу муаммонинг олдини олиш мақсадида президент Марказий Осиёда кенг миқёсда сув тежаш технологияларини жорий этишни таклиф қилди.
"Марказий Осиёда сувни тежайдиган технологияларни жорий этиш борасидаги саъй-ҳаракатларни бирлаштириш ва бу соҳада минтақавий дастурни ишга туширишга чақирамиз", - деди президент.
Сўзининг якунида Мирзиёев "келажак авлодлар барқарор, хавфсиз ва фаровон дунёда яшаши учун барча чора-тадбирларни кўриш" умумий мақсад эканини яна бир бор эслатди.
Самарқанд халқаро иқлим форумида Европа кенгаши президенти Антониу Кошта, Европа комиссияси раиси Урсула фон дер Ляйен, Қозоғистон президенти Қасим-Жомарт Тоқаев, Қирғиз Республикаси президенти Садир Жапаров, Тожикистон президенти Эмомали Раҳмон, Туркманистон президенти Сердар Бердимуҳамедов, ЕТТБ банки раҳбари Одиль Рено-Бассо ва бошқалар иштирок этди.
