Америка томони бизнинг позициямизни яхшироқ тушуна бошлади — Лавров
10:38 19.02.2025 (янгиланди: 12:22 19.02.2025)
© Министерство иностранных дел Российской Федерации
Oбуна бўлиш
Сергей Лавров: томонлар бир-бирини нафақат тинглади, балки эшитди.
TOШКЕНТ, 19 фев — Sputnik. Америка томони Россия позициясини яхшироқ тушуна бошлади. Бу ҳақда Россия ташқи ишлар вазири Сергей Лавров Ар-Риёдда бўлиб ўтган Россия-Америка музокаралари якуни бўйича ўтгазилган матбуот билан мулоқот давомида маълум қилди.
Россия президенти Владимир Путин ва АҚШ президенти Дональд Трамп ўртасидаги халқаро масалалар ва икки томонлама кун тартиби бўйича алоқаларни фаоллаштириш тўғрисидаги келишувга мувофиқ Ар-Риёдда Россия-Америка музокаралари бўлиб ўтди. Унда Россия ташқи ишлар вазири Сергей Лавров, Россия президенти ёрдамчиси Юрий Ушаков, АҚШ давлат котиби Марко Рубио, президентнинг миллий хавфсизлик бўйича маслаҳатчиси Майк Уолтц ва АҚШ етакчисининг Яқин Шарқ бўйича махсус вакили Стивен Уиткофф иштирок этишди.
Сергей Лавров музокаралари якуни бўйича матбуот билан мулоқот давомида Саудия Арабистони раҳбариятига Россия ва Америка вакиллари ўртасида учрашув ўтказиш имконияти учун миннатдорчилик билдирди.
“Биз бир соатча икки томонлама муносабатларимиз ва дунёда тўлиқ келишув бўлмаса ҳам (бунинг иложи йўқ), ҳеч бўлмаганда буюк давлатларнинг ҳар қандай вазиятда нормал, профессионал мулоқотни давом эттиришга тайёрлигини таъминлаш қанчалик муҳимлиги, бир-бирини эшитишга ҳаракат қилиш, содир бўлаётган воқеалардан сабоқ олиш ва ҳар қандай можаро ёки инқироздан қочиш ҳақида суҳбатлашдик”, — деди Лавров.
Суҳбат аввалида АҚШ давлат котиби Марко Рубио халқаро муносабатларда ҳар бир давлат ўз миллий манфаатларидан келиб чиқиши муҳимлигини алоҳида таъкидлаган.
“Биз бунга тўлиқ рози бўлдик. Шунингдек, бу миллий манфаатлар ҳар доим ҳам мос келавермайди. Аммо улар бир-бирига тўғри келмаса, бу келишмовчиликларни тартибга солиш, уларни "ўз йўналишига" йўл қўймаслик ва айниқса, ҳарбий ёки бошқа турдаги қарама-қаршиликларни қўзғатмаслик жуда муҳимдир. Миллий манфаатлар бир-бирига тўғри келса, бу соҳаларда саъй-ҳаракатларни бирлаштириш, геосиёсий соҳада, иқтисодий масалаларда ўзаро манфаатли лойиҳаларни амалга ошириш учун ҳамма нарсани қилиш керак”, — деди Россия ТИВ раҳбари.
Лавровнинг сўзларига кўра, суҳбат жуда фойдали бўлди. Томонлар бир-бирини нафақат тинглади, балки эшитди.
“Америка томони Россия президенти Владимир Путиннинг такрорий нутқлари асосида аниқ мисоллар ёрдамида яна бир бор батафсил баён қилган позициямизни яхшироқ тушуна бошлади, деб айтишга асос бор”, - деди Россия вазири.
Лавров эришилган келишувларни қуйидагича ифодалади:
Россиянинг АҚШдаги элчилари ва АҚШнинг Россиядаги элчиларининг имкон қадар тезроқ тайинланишини таъминлашдир;
Байден маъмурияти томонидан сўнгги тўрт йил ичида дипломатик ваколатхоналаримиз йўналиши бўйича қурилган, уларнинг ишини жиддий мураккаблаштирган тўсиқларни олиб ташлаш;
Охирги муаммо эмас – биз учун чеклашга ҳаракат қилишаётган банк ўтказмалари. Биз, табиийки, жавоб бермоқдамиз.
Айтилишича, яқин орада ўринбосарларнинг Россиянинг АҚШдаги ва АҚШнинг Россиядаги элчихоналари ва бошқа хорижий муассасалари фаолиятидаги ушбу сунъий “тўсиқларни” бартараф этиш зарурлигини кўриб чиқишига келишиб олинди.
“Иккинчи келишув. Биз “Украинадаги вазиятни тартибга солиш жараёни” яқин келажакда шакллантирилишига келишиб олдик. Америка томони бу ишда Вашингтондан ким вакиллик қилишини эълон қилади. Тегишли вакилнинг исми ва лавозимини билишимиз биланоқ, Россия президенти АҚШ президентига айтганидек, биз дарҳол ушбу жараёндаги иштирокчимизни белгилаймиз”, —дея қайд этди Лавров.
Учинчидан, кенг концептуал маънода, Украинадаги инқирозни тартибга солиш билан боғлиқ жараёнлар давом этар экан, бир вақтнинг ўзида ҳамкорлик тўлиқ тикланиши ва кенг кўламли соҳаларда кенгайиши учун шароит яратиш керак, дея қўшимча қилди у.
Савол: Ҳозир турли баҳолар бор, асосан ижобий баҳолар. Аллақачон Америка томонидан ҳам келиб тушмоқда.
Қайси йўлда АҚШ билан энг кўп позицияларни яқинлаштиришга муваффақ бўлинди - Россия-Америка ёки Украина йўлида? Россия ва АҚШ президентларининг учрашувига пойдевор қўйиш мумкинмиди? Кейинги қадамлар қандай? Яқин келажакда учрашувларингиз бўладими? АҚШ давлат котибининг айтишича, Украина масаласида ҳаммадан имтиёзлар талаб қилинади.
Лавров: Биз ўзаро тушунишга эришган масалаларга келсак. Бу, албатта, позицияларнинг яқинлашишини англатиши шарт эмас. Мен бу ҳақда аллақачон гапирганман. Дипломатик ваколатхоналаримиз фаолияти билан боғлиқ муаммони ҳал этишимиз зарур, деган амалий фикрга келдик. Халқаро ишлар ва иқтисодий муносабатларга доир мулоқотимиз масалаларига аниқ ечим топишга икки томон ҳам интилиш билдирилди. Украина масаласига келсак, мен америкаликлар ўз вакилини тайинлаши ҳақидаги келишувни эслатиб ўтдим. Биз жавоб берамиз. Шундан сўнг тегишли маслаҳатлашувлар бошланади. Улар мунтазам характерга эга бўлади.
Биз Россия ва АҚШ президентларининг қарори билан учрашдик, улар навбатдаги саммитга тайёргарлик кўришга келишиб олишди. Шу мақсадда ташқи ишлар вазирлари ва миллий хавфсизлик маслаҳатчиларига президентлар саммитни ўтказишнинг аниқ санаси ва вақтини келишиб олишдан олдин нималар ишлаб чиқилиши кераклигини кўриш ва учрашиш топширилди.
Савол: Учрашувдан сўнг дарҳол дипломатик жараёнга яқин бўлган баъзи манбаларга таяниб, Россиянинг Украина бўйича АҚШ билан келишиб олган "уч босқичли режа"га оид кўплаб маълумотлар пайдо бўлди. Бу ростми?
Лавров: “Уч бандлик режа”га келсак. Мен бу маълумот ва хабарларни кўрмадим. Бугун мен бу хабарни “кўздан кечираётганимда” Польша ташқи ишлар вазирининг “Мюнхен йўлакларида” АҚШ вакили Келлог билан учрашгани ҳақида айтган баёнотига ҳаволани топдим. У унга қандайдир келишув режаси ҳақида хабар берди. У ерда айтилмаган: уч ёки тўрт босқич. Аммо Р.Сикорский режани шарҳлар экан, тафсилотларни ошкор эта олмаслигини айтди. "Режа ностандарт, аммо бу жуда қизиқ бўлиши мумкин." Бугун мен АҚШ давлат котиби М.Рубио ва К.Уолтсдан бу нимани англатишини сўрадим. Улар бу фейк, деб жавоб беришди.
Қайд этилишича, томонлар Россия ва АҚШнинг ядровий кучлар ва БМТ Хавфсизлик Кенгашининг доимий аъзолари сифатида тинчлик ва хавфсизлик масалаларида алоҳида масъулиятини инобатга олган ҳолда бошқа халқаро масалалар бўйича алоқа каналларини қайта тиклашга келишиб олишди.
