Мирзиёев “Янги Навоий” шаҳарчаси қурилиши билан танишди
09:52 01.11.2024 (янгиланди: 09:53 01.11.2024)
© Пресс-служба президента Узбекистана
Oбуна бўлиш
Шаҳарчада 7-22 қаватли уй-жойлар, 4 минг 170 ўринли умумтаълим мактаблари, 1 минг 620 ўринли боғчалар, поликлиника барпо этилади.
TOШКЕНТ, 1 ноя — Sputnik. Ўзбекистон президенти Шавкат Мирзиёев “Янги Навоий” шаҳарчаси қурилиш майдонида бўлиб, нуронийлар ва зиёлилар билан суҳбатлашди. Бу ҳақда президент матбуот хизмати хабар берди.
Давлатимиз раҳбари “Янги Навоий” шаҳарчаси қурилишининг илк босқичи доирасида олиб борилаётган ишлар билан танишди, нуронийлар ва зиёлилар билан учрашди
© Пресс-служба президента Узбекистана
“Бугун бу ерга Навоий вилоятидаги 8 та туман, 3 та шаҳарнинг эртанги куни қандай бўлади, деган саволга жавоб топиш учун келдик. Аслида, битта рўзғорни тебратишнинг ўзи бўлмайди. Худога шукур, аҳолимиз 38 миллионга яқинлашаяпти. Бунинг учун халқимизга муносиб мустаҳкам замин яратиб боришимиз керак. Бундай янги шаҳарчаларни нима учун қураяпмиз? Ёшларимиз ўсиб келаяпти. Улар ўзи туғилиб ўсган жойида ишлаб, яхши яшаши учун ҳамма ҳудудларда шароит яратамиз”, - деди президент.
Давлатимиз раҳбари “Янги Навоий” шаҳарчаси қурилишининг илк босқичи доирасида олиб борилаётган ишлар билан танишди, нуронийлар ва зиёлилар билан учрашди
© Пресс-служба президента Узбекистана
Лойиҳа учун 1 минг 100 гектар ер Кармана туманидан Навоий шаҳрига ўтказилган. Биринчи босқичда 450 гектар майдонда қурилиш режалаштирилган.
Давлатимиз раҳбари “Янги Навоий” шаҳарчаси қурилишининг илк босқичи доирасида олиб борилаётган ишлар билан танишди, нуронийлар ва зиёлилар билан учрашди
© Пресс-служба президента Узбекистана
Шаҳарчада 7-22 қаватли уй-жойлар, 4 минг 170 ўринли умумтаълим мактаблари, 1 минг 620 ўринли боғчалар, поликлиника барпо этилади. “Янги Ўзбекистон” боғи, Навоий давлат педагогика институтининг янги кампуси ҳам шу ерда бўлади.
Давлатимиз раҳбари “Янги Навоий” шаҳарчаси қурилишининг илк босқичи доирасида олиб борилаётган ишлар билан танишди, нуронийлар ва зиёлилар билан учрашди
© Пресс-служба президента Узбекистана
Давлат раҳбари Навоий вилоятида саноат ривожлангани, лекин хизмат салоҳияти тўлиқ ишга солинмаганини айтди. Шу боис шаҳарчада сайилгоҳ, кўнгилочар масканлар, савдо дўконлари, овқатланиш шохобчалари ташкил этиб, хизматлар ривожлантирилиши белгиланди.
Давлатимиз раҳбари “Янги Навоий” шаҳарчаси қурилишининг илк босқичи доирасида олиб борилаётган ишлар билан танишди, нуронийлар ва зиёлилар билан учрашди
© Пресс-служба президента Узбекистана
Таъкидланишича, шаҳарча қурилиши дирекция томонидан мувофиқлаштириб борилади. Ер майдонлари электрон аукционга қўйилиб, ғолиб қурилиш ташкилотлари билан инвестиция шартномаси тузилади.
