Ўзбекистон Хитой билан ҳамкорликни самарали амалга ошириш тарафдори — Мирзиёев

© Пресс-служба президента Узбекистана Шавкат Мирзиёев принял делегацию Китайской Народной Республики
 Шавкат Мирзиёев принял делегацию Китайской Народной Республики  - Sputnik Ўзбекистон, 1920, 06.09.2024
Oбуна бўлиш
Ўзбекистон ҳудудлари ва Тяньцзинь шаҳри ўртасидаги ўзаро манфаатли ҳамкорлик бўйича "йўл харитаси"ни қабул қилишга келишиб олинди.
TOШКЕНТ, 6 сен — Sputnik. Ўзбекистон президенти Шавкат Мирзиёев 5 сентябрь куни Хитой Коммунистик партияси Марказий қўмитаси Сиёсий бюроси аъзоси, Тяньцзинь шаҳри партия қўмитаси котиби Чэнь Миньэр бошчилигидаги Хитой делегациясини қабул қилди. Бу ҳақда президент матбуот хизмати хабар берди.
Учрашув бошида Чэнь Миньэр давлат раҳбарига Хитой Халқ Республикаси раиси Си Цзиньпиннинг саломи ва энг эзгу тилакларини етказди.
© Пресс-служба президента УзбекистанаШавкат Мирзиёев принял делегацию Китайской Народной Республики
Шавкат Мирзиёев принял делегацию Китайской Народной Республики  - Sputnik Ўзбекистон, 1920, 06.09.2024
Шавкат Мирзиёев принял делегацию Китайской Народной Республики
Олий даражадаги келишувларга мувофиқ Ўзбекистон билан Хитой ўртасидаги кўп қиррали ҳамкорлик ва амалий шерикликни, айниқса, фаол ҳудудлараро мулоқот доирасида янада чуқурлаштириш масалалари муҳокама қилинди. Кейинги йилларда Ўзбекистон-Хитой дўстлик ва ҳар қандай шароитда ҳам стратегик шериклик муносабатларида юксак даражага эришилгани катта мамнуният билан қайд этилди.
Тяньцзинь шаҳрининг етакчи компаниялари билан савдо, саноат, "яшил" энергетика, қурилиш ва инфратузилмани модернизация қилиш, қишлоқ хўжалиги, тўқимачилик, фармацевтика ва бошқа соҳаларда кооперация лойиҳаларини илгари суришга алоҳида эътибор қаратилди. Инновациялар, таълим ва маданият соҳаларида алмашинув дастурларини кенгайтириш муҳимлиги таъкидланди.
Ўзбекистон ҳудудлари ва Тяньцзинь шаҳри ўртасидаги ўзаро манфаатли ҳамкорлик бўйича "йўл харитаси"ни қабул қилишга келишиб олинди.
Деловое сотрудничество  - Sputnik Ўзбекистон, 1920, 12.08.2024
Ўзбекистон ва Хитой ҳудудлараро ҳамкорликни кенгайтирмоқчи
Янгиликлар лентаси
0