Рамзан Қодиров Шавкат Мирзиёевдан совға олди — видео

© Sputnik / Саид Царнаев / Медиабанкка ўтишГлава Чеченской Республики Рамзан Кадыров
Глава Чеченской Республики Рамзан Кадыров - Sputnik Ўзбекистон, 1920, 16.06.2024
Oбуна бўлиш
Шавкат Мирзиёев Рамзан Қодировга Регистон макетини совға қилди.
ТОШКЕНТ, 16 июнь — Sputnik. Ўзбекистон президенти Шавкат Мирзиёев Чеченистон раҳбари Рамзан Қодировга Самарқанддаги Регистон ансамбли макетини совға қилди. Бу ҳақда Қодиров ўзининг Telegram-каналида маълум қилди.
Қайд этилишича, совғани "Аҳмат" Осиё жанговар лигаси фахрий президенти Ойбек Норинбоев ва ушбу ташкилот президенти Нодир Қодиров етказишди.

“Шавкат Миромонович томонидан менга совға қилинган қимматбаҳо совға – Самарқанд шаҳридаги дунёнинг энг маҳобатли ва гўзал майдонларидан бири – Регистон ансамблининг эсдалик нусхасини олиш жуда ёқимли бўлди. Бу майдон 600 ёшда. У Ўзбекистоннинг асосий диққатга сазовор жойларидан бири саналади. Унда учта мадраса жойлашган бўлиб, улар ҳам ўзининг гўзаллиги ва кўркамлиги билан ҳайратга солади”, — деб ёзади у.

У, шунингдек, Шавкат Мирзиёев раҳнамолигида мамлакат изчил тараққиёт ва фаровонликнинг янги векторини олганини, қардош Ўзбекистонда шундай ғайратли, замонавий, Россия билан дўст бўлган давлатни янада яхшилашга қодир раҳбар борлигидан хурсанд эканини қўшимча қилди.
Чеченистон Ўзбекистон билан ҳамкорликни кенгайтиришга тайёр — Қодиров  - Sputnik Ўзбекистон, 1920, 28.05.2024
Владимир Путиннинг Ўзбекистонга давлат ташрифи - 2024 йил
Чеченистон Ўзбекистон билан ҳамкорликни кенгайтиришга тайёр — Қодиров
Янгиликлар лентаси
0