ТОШКЕНТ, 8 фев — Sputnik. Ўзбекистонлик оғир атлетикачи Сарварбек Зафаржонов Осиё чемпионатида дастлабки олтин медални қўлга киритди, деб ёзмоқда Миллий олимпия қўмитаси.Тошкентда бўлиб ўтаётган оғир атлетика бўйича Осиё чемпионатининг бугунги куни Ўзбекистон терма жамоаси учун муваффақиятли бошланди.Эркаклар ўртасида -89 кг вазн тоифасида кечган баҳсларда Сарварбек Зафаржонов олтин ва кумуш медалларга сазовор бўлди.Маълумот учун, Тошкентда оғир атлетика бўйича катталар ўртасидаги Осиё чемпионати 3 февраль куни бошланган. Қитъа биринчилигида Осиёнинг 34 та мамлакатидан 250 нафарга яқин энг кучли оғир атлетикачи иштирок этишмоқда.
“Атлетимиз даст кўтаришда 167 кг билан энг яхши натижани қайд этди. Шунингдек, унинг икки кураш бўйича кўрсатган 362 кг натижаси яна бир кумуш медални тақдим қилди”, — дейилади хабарда.
Маълумот учун, Тошкентда оғир атлетика бўйича катталар ўртасидаги Осиё чемпионати 3 февраль куни бошланган. Қитъа биринчилигида Осиёнинг 34 та мамлакатидан 250 нафарга яқин энг кучли оғир атлетикачи иштирок этишмоқда.
