Қашқадарёда туристик марказ ташкил этилади — батафсил
© Информационная служба Министерства экономики и финансовПроект туристического центра “Шахрисабз”.
![Проект туристического центра “Шахрисабз”. Проект туристического центра “Шахрисабз”. - Sputnik Ўзбекистон, 1920, 19.01.2024](https://cdn1.img.sputniknews.uz/img/07e8/01/13/42110758_0:0:1550:872_1920x0_80_0_0_481606bd90a542f9a590e9f167d9e751.png)
© Информационная служба Министерства экономики и финансов
Oбуна бўлиш
“Шаҳрисабз” туристик маркази “Мираки”, “Амир Темур”, “Улоч” ва “Полмон” маҳалла фуқаролар йиғинлари ҳудудидаги умумий майдони 240 гектар бўлган ер участкасидан иборат бўлади.
ТОШКЕНТ, 19 янв — Sputnik. Қашқадарё вилояти Шаҳрисабз тумани ҳудудида “Шаҳрисабз” туристик маркази ташкил этилади. Бу ҳақда Иқтисодиёт ва молия вазирлиги ахборот хизмати хабар берди.
Бу президентнинг 2023 йил 28 ноябрдаги “Қашқадарё вилоятининг тоғли-рекреацион ҳудудларида замонавий хизмат кўрсатиш ва туризм объектларини барпо этиш чора-тадбирлари тўғрисида”ги қарорига мувофиқ амалга оширилади.
© Информационная служба Министерства экономики и финансовПроект туристического центра “Шахрисабз”.
![Проект туристического центра “Шахрисабз”. Проект туристического центра “Шахрисабз”. - Sputnik Ўзбекистон, 1920, 19.01.2024](https://cdn1.img.sputniknews.uz/img/07e8/01/13/42110780_0:0:2191:1361_1920x0_80_0_0_32055803226f2571aa4e1aaca9735a2d.png)
Проект туристического центра “Шахрисабз”.
© Информационная служба Министерства экономики и финансов
“Шаҳрисабз” туристик маркази “Мираки”, “Амир Темур”, “Улоч” ва “Полмон” маҳалла фуқаролар йиғинлари ҳудудидаги умумий майдони 240 гектар бўлган ер участкасидан иборат бўлади. Ишлаб чиқилган мастер-режага асосан Туристик марказда замонавий хизмат кўрсатиш мажмуалари ва туризм инфратузилмаси объектлари, жумладан, меҳмонхоналар, меҳмон уйлари, соғломлаштириш, савдо-кўнгилочар марказлар жойлаштириш кўзда тутилган.
Шунингдек, дам олувчиларга замонавий шароитлар яратиш мақсадида 2024–2025 йилларда Туристик марказда учта замонавий меҳмонхона комплекси, овқатланиш, хизмат кўрсатиш ва савдо-кўнгилочар марказлар, очиқ турдаги автотураргоҳ ҳамда дор йўли барпо этилади.