Ўзбекистонда умумий қуввати 2,4 гигаваттлик “яшил” электр станциялари ишга тушди
09:30 28.12.2023 (янгиланди: 11:19 28.12.2023)
Oбуна бўлиш
Мамлакатнинг олтита ҳудудида 5 та қуёш ва 1 та шамол электр станциялари ишга туширилди ва тармоққа уланди.
ТОШКЕНТ, 28 дек — Sputnik. Ўзбекистон президенти Шавкат Мирзиёев умумий қуввати 2,4 гигаваттлик “яшил” электр станцияларини ишга туширди, дея хабар берди давлат раҳбари матбуот хизмати.
Президент мамлакатнинг олтита ҳудудида 5 та қуёш ва 1 та шамол электр станцияларини ишга тушириш ва тармоққа улашга бағишланган тантанали маросимда иштирок этди.
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Инвестиция лойиҳаларнинг ҳамкорлари:
“Masdar” компанияси бош ижрочи директори Муҳаммад Жамол Ал-Рамаҳий;
“China Energy Engineering Corporation” компанияси вице-президенти Ву Юнь;
“China Energy International Group” компанияси бошқаруви раиси Лю Цзэсян;
“China Gezhouba Group” компанияси бошқаруви раиси Линь Сяодан;
“SEPCO III”, “Dongfang Electric Corporation” ва бошқа компаниялар раҳбарлари.
Қайд этилишича, республикада илк бор 100 фоиз тўғридан-тўғри хорижий инвестициялар ҳисобидан, давлат-хусусий шериклик асосида Кармана ва Нуробод туманларида умумий қуввати 200 мегаваттлик қуёш станциялари барпо этилди. Ўтган даврда улар 1 миллиард киловатт соат “яшил” электр энергиясини ишлаб чиқарди.
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Бирлашган Араб Амирликларининг “Masdar” компанияси томонидан Жиззах, Самарқанд ва Сурхондарё вилоятларида умумий қуввати 900 мегаватт бўлган учта замонавий фотоэлектр станциясини барпо этиш лойиҳаси якунланди. Шунингдек, Навоий вилояти Томди туманида 500 мегаваттлик шамол электр станциясининг биринчи босқичи қуриб битказилди.
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
Бундан ташқари, Хитойнинг “China Gezhouba Group” компанияси томонидан Бухоро ва Қашқадарёда умумий қуввати 1000 мегаваттлик қуёш станцияларининг биринчи босқичи қурилиши якунланди.
“Ушбу қурилиш ишлари жуда қисқа фурсатда – 9 ойда битказилгани диққатга сазовор”, –дейилади хабарда.
Жами қиймати 2 миллиард долларлик ушбу станциялар тўлиқ ишга тушса, икки миллионта хонадон узлуксиз электр энергияси билан таъминланади, 2 миллиард куб метр табиий газни тежаш ҳамда саноат ва хизматлар соҳасида 4 миллиард долларлик қўшилган қиймат яратиш имконияти пайдо бўлади.
Ўзбекистон президенти шавкат Мирзиёев умумий қуввати 2,4 гигаваттлик “яшил” электр станцияларини ишга туширди
“Ҳозир юртимизда 9 гигаваттли 22 та қуёш ва шамол электр станциясини қуриш лойиҳалари устида ишлаяпмиз. Хорижий компаниялар билан сермаҳсул ҳамкорлигимизни тобора кенгайтириб борамиз", – деди Шавкат Мирзиёев.
Айтилишича, 2030 йилгача “яшил” энергетика манбаларини 27 гигаваттга етказиш режалаштирилган. Бу ҳар йили 25 миллиард куб метр табиий газни иқтисод қилиш, атмосферага зарарли ташланмаларни 34 миллион тоннага қисқартиришга хизмат қилади.
