Айрим автобус йўналишларининг ҳаракати ўзгартирилади
08:05 07.11.2023 (янгиланди: 11:16 07.11.2023)
© Sputnik / Актан Темирканов
Oбуна бўлиш
8−10 ноябрь кунлари автобус йўналишларининг фаолиятига ўзгартиришлар киритилади.
ТОШКЕНТ, 07 ноя — Sputnik. Тошкентдаги айрим автобус йўналишларининг фаолиятига ўзгартиришлар киритилади. Бу ҳақида Транспорт вазирлиги хабар қилди.
Қайд этилишича, Тошкент шаҳрида Иқтисодий ҳамкорлик ташкилотининг 16-саммитини ўтказиш ишлари доирасида 8−10 ноябрь кунлари айрим кўча йўл тармоқларида автомобиллар ҳаракати чекланади. Шу сабабли автобус йўналишларининг фаолиятига қуйидагича ўзгартиришлар киритилади.
Ислом Каримов кўчасининг Фурқат кўчасидан Олмазор кўчасигача бўлган қисми автомобиллар ҳаракати учун тўлиқ ёпилиши сабабли ушбу манзил орқали ҳаракатланувчи:
51-сонли йўналиш ҳаракати И.Каримов кўчасидан Афросиёб, Бешёғоч, Фурқат кўчалари орқали вақтинчалик ўзгартирилади;
141-сонли йўналиш ҳаракати Қоратош кўчасидан Фурқат, А.Навоий, Олмазор кўчалари орқали вақтинчалик ўзгартирилади;
196-сонли йўналиш ҳаракати Афросиёб кўчасидан Бешёғоч, Фурқат, А.Навоий кўчалари орқали, кейинги ҳаракати ўз йўналиши бўйича ташкил этилиди.
