Музликларнинг эриши Амударё ва Сирдарё сувларининг 15 % камайишига олиб келиши мумкин
11:11 14.10.2023 (янгиланди: 11:24 16.10.2023)
© Межпарламентская Ассамблея государств — участников Содружества Независимых Государств
Oбуна бўлиш
МДҲга аъзо давлатлар Парламентлараро ассамблеяси қароргоҳида “Тоғли ҳудудларни барқарор ривожлантириш” халқаро форумининг ялпи мажлиси бўлиб ўтди.
ТОШКЕНТ, 14 окт — Sputnik. Музликларнинг эриши Амударё ва Сирдарё сувларининг 10-15 фоизга камайишига олиб келади. Бу ҳақда сенатор Борий Алиханов маълум қилди.
МДҲга аъзо давлатлар Парламентлараро ассамблеяси қароргоҳида “Тоғли ҳудудларни барқарор ривожлантириш” халқаро форумининг ялпи мажлиси бўлиб ўтди.
Ўзбекистон Олий Мажлиси Сенатининг Оролбўйи минтақасини ривожлантириш ва экология масалалари қўмитаси раиси Бўрий Алиханов ўз нутқида музликларнинг эриши муаммосига тўхталди.
Сенатор Бўрий Алихонов
© Межпарламентская Ассамблея государств — участников Содружества Независимых Государств
"Сўнгги 20-25 йил ичида ёзда ёғингарчилик миқдори сезиларли даражада камайган. Мавжуд маълумотларга кўра, ҳар дақиқада тўққиз квадрат метр ҳудуднинг унумдор майдони чўлга айланади. Бундай жараёнларнинг глобал ва хавфли оқибатларидан бири кўп йиллик музликларнинг интенсив эриши - сўнгги 40 йил ичида музлик массасининг 30 фоизи. Келгуси ўн йил ичида бу Амударё ва Сирдарё сувларининг 10-15 фоизга камайишига олиб келади", — деди Алиханов.
Унинг қайд этишича, 2027 йилда бўлиб ўтадиган Тоғ саммитига тайёргарликни бошлаш керак.
"Мен тоғ ресурсларини бошқариш ва улардан фойдаланиш бўйича келишилган сиёсат ва ягона қонунчилик платформаси бўйича МДҲ ПАнинг ягона позициясини ишлаб чиқиш бўйича ишни ҳозирдан бошлашни таклиф қиламан", — дея қўшимча қилди сенатор.
МДҲ ПА Кенгаши Бош котиби Дмитрий Кобицкий
© Межпарламентская Ассамблея государств — участников Содружества Независимых Государств
МДҲ ПА Кенгаши Бош котиби Дмитрий Кобицкийнинг қайд этишича, ҳудудларни барқарор ривожлантириш масалалари Ассамблеянинг қонун ижодкорлиги фаолиятида устувор йўналишлардан бирини эгаллайди.
