Ўзбекистон Қатарнинг коррупцияга қарши курашиш идоралари билан келишувларга эришди
© Агентство по противодействию коррупции
Oбуна бўлиш
Ўзбекистон делегация Қатарда коррупцияга қарши курашишга масъул идоралари билан икки томонлама учрашувлар ўтказди.
ТОШКЕНТ, 11 окт — Sputnik. Ўзбекистон Қатарнинг коррупцияга қарши курашишга масъул идоралари билан ўзаро манфаатли келишувларга эришди. Бу ҳақда Коррупцияга қарши курашиш агентлиги хабар берди.
Коррупцияга қарши курашиш агентлиги директори Акмал Бурханов бошчилигидаги Ўзбекистон делегация Қатар Давлат аудит бюроси ҳамда Коррупцияга қарши курашиш ва қонун устуворлиги маркази раҳбарлари билан икки томонлама учрашувлар ўтказди.
Ўзбекистон Қатарнинг коррупцияга қарши курашишга масъул идоралари билан ўзаро манфаатли келишувларга эришди.
© Агентство по противодействию коррупции
Учрашувда қуйидагиларга келишилди:
Бюро ва Агентлик ўртасида ҳамкорлик битимини имзолаш:
Молия, бухгалтерия соҳаси вакиллари, аудиторлар ва бошқа давлат молиявий назоратини амалга оширувчи мутахассислар учун ўқув дастурларини ҳамкорликда ишлаб чиқиш:
Давлат харидлари соҳасида электрон дастурлар (Қатар - Archer GRC ва Ўзбекистон - exarid.uz платформаси)ни солиштириш орқали уларни ҳамкорликда такомиллаштириш:
Бюро ҳамда Агентлик ходимларининг малакасини ошириш бўйича қисқа муддатли ўқув курсларини ташкил этиш.
“Қатар томони Давлат аудит бюроси ва Ўзбекистон Коррупцияга қарши курашиш агентлиги ўртасида идоралараро ҳамкорлик битимини ишлаб чиқиш ва имзолашни таклиф этди”, — дейилади хабарда.
Шунингдек, Қатарнинг Коррупцияга қарши курашиш ва қонун устуворлиги маркази вакиллари билан учрашув ташкил этилди.
Ўзбекистон Қатарнинг коррупцияга қарши курашишга масъул идоралари билан ўзаро манфаатли келишувларга эришди.
© Агентство по противодействию коррупции
Унда икки давлат раҳбарларининг “Коррупцияга қарши кураш соҳасида ютуқлари учун” халқаро мукофотининг тақдирлаш маросимини Ўзбекистонда ўтказишга оид келишувини амалга ошириш ҳамда ҳамкорликни кучайтириш масалалари муҳокама қилинди.
Ўзбекистон Қатарнинг коррупцияга қарши курашишга масъул идоралари билан ўзаро манфаатли келишувларга эришди.
© Агентство по противодействию коррупции
Қолаверса, Маъмурий назорат ва очиқлик идораси ҳамда Қатар давлат Бош прокуратураси раҳбарияти билан учрашувлар ташкил этилди.
