Ҳафта давомида қандай об-ҳаво кузатилади

© SputnikТошкент
Тошкент - Sputnik Ўзбекистон, 1920, 24.07.2023
Обуна бўлиш
НовостиTelegram
Кундуз кунлари ҳарорат +39…+42 даражага, жанубда ва чўл ҳудудларда +43…+44 даражага етади.
ТОШКЕНТ, 24 июл — Sputnik. Ўзгидромет 24−28 июль кунлари кузатиладиган об-ҳаво ҳақида маълумот берди.
Бошланган ҳафтанинг катта қисмида Ўзбекистон ҳудуди бўйича иссиқ об-ҳаво бўлиши кутилмоқда. Кундуз кунлари ҳарорат +39…+42 даражага, жанубда ва чўл ҳудудларда, шунингдек, 24−25 июль кунлари республика шимолида баъзи жойларда +43…+44 даражага етади.
27 июлб куни Қорақалпоғистон Республикаси ва Хоразм вилоятига, 28 июлда республиканинг барча ҳудудларига Қозоғистон ҳудудларидан нисбатан салқин ҳаво кириб келади ва ҳарорат 35…+38 даражагача, жанубда +40…+42 даражагача бироз пасаяди.
Бундай ҳарорат ҳафта охирида ҳам сақланиб туради.
Шимолда, жанубда ва чўл ҳудудларда шамол тезлиги 13−18 м/с гача, айрим жойларда 20−22 м/м гача кучайиши, чанг-тўзон кузатилиши мумкин. Тоғли ҳудудларда 24 июлда куннинг иккинчи ярмида ва ҳафта охирида баъзи жойларда қисқа муддатли ёмғир ёғиши, момақалдироқ бўлиши мумкин.
Пойтахтда 24−27 июль кунлари ҳаво асосан кам булутли бўлади, ёғингарчилик кутилмайди. Шамол шарқдан бироздан ўртача тезликгача эсади. Ҳарорат 24−27 июлда +39…+42 даража, 28 июлда +38…+40 даража бўлади.
Ўзгидрометнинг маълум қилишича, бу ҳафтада кунлар иссиқ бўлишига қарамай, ҳаво ҳарорати ўтган йилларда ўрнатилган рекорд кўрсаткичларга етиб бормайди. Республика ҳудудининг катта қисмида энг иссиқ июль ойларида максимал ҳаво ҳарорати +43…+46 даражани, шимолда, жанубда ва чўл ҳудудларда +47…+49 даражани ташкил этган.
Янгиликлар лентаси
0