Россия қўшинлари тўрт йўналишда олға силжимоқда
© Sputnik / РИА Новости
/ Oбуна бўлиш
Россия қўшинлари минг километрли фронт чизиғида нафақат муваффақиятли ҳимоя қилиб, балки Авдеевка, Марьинка, Лиман ва Сватово йўналишда ҳужум ҳам амалга оширмоқда.
ТОШКЕНТ, 6 июл — Sputnik. Украина Қуролли кучлари икки ойдан буён барча йўналишларда муваффақиятсиз “қарши ҳужум”ни амалга оширмоқда. Ғарб эса қўғирчоқ Украина армияси ва НАТО стандартидаги ҳарбий техниканинг тобора йўқ бўлиб кетаётганини хавотир билан кузатмоқда, деб таъкидлайди Sputnik ҳарбий шарҳловчиси Александр Хроленко.
Россия Федерацияси Қуролли кучлари махсус ҳарбий операция ҳудудида ҳужум, тактик ва стратегик устунликни сақлаб келмоқда, 1000 километрлик фронт чизиғининг тўртта йўналишида олдинга силжимоқда.
Россия қўшинлари Авдеевка, Марьинка, Лиман ва Сватово ҳудудларида олдинга силжишмоқда. УҚК бўлинмалари ўз позицияларини тарк этиб, Орехово ҳудудида ортга чекинмоқда.
3 июль куни Россиянинг Запорожье йўналишидаги қарши ҳужуми УҚК нинг юзлаб йўқ қилинган зирҳли техникаси, душманлардан озод қилинган ҳудудлар ва “Земледелие” юқори технологияли тизимлари ёрдамида майдонларини қайта миналаш каби натижаларни кўрсатмоқда.
УҚК қуруқликдаги қўшинлари қўмондони Александр Сирский Артёмовск яқинидаги оғир вазият ва Россиянинг Часов Ярга (“Восток” Украина кучлари гуруҳи қўмондонлигининг қароргоҳи мавжуд ҳудуд) бостириб кириши таҳдиди ҳақида эълон қилди.
5 июлга ўтар кечаси Днепропетровск, Суми ва Харьков вилоятларидаги УҚКнинг арсеналлари ва жойлаштириш пунктларига юқори аниқликдаги узоқ масофали қуроллар орқали зарба берилди.
Украина қўшинлари фронтнинг барча йўналишларида катта йўқотишларга дучор бўлмоқда — 4 июндан бери 15 мингга яқин аскарлар, 2500 та қурол, шу жумладан, 15 та самолёт, 3 та вертолёт, 920 та зирҳли техника, шунингдек, 54 та “Leopard” дан 16 таси йўқ қилинди.
Украина қўмондонлигининг “18 июнгача Мелитополни ўраб олиш” режалари амалга ошмай қолди.
УҚКнинг турли ҳудудларда кучайтирилган батальон ва кичик тактик гуруҳлар билан доимий “қарши ҳужуми” аста-секин фойдасиз мудофаага айланмоқда.
Шу билан бирга, Киев НАТО қуролларининг миқдори ва сифати етарли даражада эмаслигидан шикоят қилмоқда. Ғарбда эса улар Украина аскарларининг ёмон тайёргарлиги ва паст ғайрати ҳақида гапиришмоқда. НАТО Ҳарбий қўмитаси раҳбари Роб Бауэр УҚК нинг муваффақиятсизлигини Россия армиясининг муҳандислик тузилмаларининг ўзига хос мураккаблиги, мудофаа позицияларининг 30 км чуқурликдаги эшелонлари билан изоҳлайди.
Аслида Украина ҳарбий ҳаракатлар театрида УҚК ва НАТОнинг муқаррар мағлубиятини Россия қўшинларининг ҳужумкор операциялари, зарба қуроллари ва жанговар устунлигини таъминлайди.
Ғарб уруш зулматида
Дастлаб афсонавий НАТО танклари ва пиёда жанговар машиналари “муҳим ҳудудларни қайтаришни”, ҳатто УССРнинг 1991 йилдаги чегараларини қайтаришни таъминлаши керак эди.
Украина ҳужумининг дастлабки 30 кунлик натижалари Ғарб “ҳафсала”сини пир қилди. АҚШ ва унинг иттифоқчилари ҳали ҳам “узоқ кутилган қарши ҳужум”нинг ривожланишига ва Россиянинг заифлашишига умид қилмоқда, Украинадан жанг майдонида муваффақият талаб қилмоқдалар.
Моҳирона мағлубиятга учраган НАТО зирҳли машиналари бу борада муваффақият ваъда қилмайди.
Россия махсус ҳарбий операцияси даврида 690 та самолёт ва вертолётлар, 10 530 дан ортиқ танклар ва зирҳли техникалар, 5 340 та артиллерия ва 1 130 та залп ҳужум реактив тизими, 426 та зенит-ракета тизимлари “демилитаризация” қилинди.
Украинага тегишли бўлмаган ушбу қуролларнинг асосий қисми Киев режимининг ғарбий ҳомийлари томонидан “дунё бўйлаб” тўпланган.
НАТО ва бошқа АҚШ иттифоқларининг ҳарбий захиралари бўшаб қолди. Ҳатто Америка ҳарбий-саноат мажмуаси ҳам Россия билан прокси уруш юкини кўтара олмайди. Ҳаммага тушунарли: агар Украинага қурол-яроғ ва ўқ-дорилар етказиб бериш тўхтатилса, махсус ҳарбий операция бир неча кун ичида тугайди. Бироқ Ғарб ҳали мағлубиятни қабул қилишга тайёр эмас, қолдиқларни титкиламоқда ва уруш зулматида жар ёқаси томон судралиб кетмоқда.
Европа Иттифоқи ва НАТО ўзларининг сўнгги кучлари билан қурол етказиб беришни мантиқсиз давом эттирмоқдалар. 2023 йилда Германия Украинага ҳарбий ёрдам учун 5,4 миллиард евро ажратди ва яқин келажакда УҚКга жуда эски "Leopard 1A5" танкларининг янги партиясини топширишга ваъда берган. Бундесвернинг 300 та танкидан атиги 130 таси жангга лаёқатли.
Америка ўз нафақахўрларини 20 йилдан бери турган “Стингер” зенит-ракета ишлаб чиқарилишини жонлантириш учун сафарбар қилди.
АҚШ ҚК Бош штаб бошлиқлари қўмитаси раҳбари Марк Миллининг айтишича, УҚК қарши ҳужуми “жуда қийин, жуда узоқ ва жуда-жуда қонли” бўлади.
Украина президенти Владимир Зеленский бепарволик билан захирадаги сўнгги аскарларини қулларни қурбон қилган каби “Запорожье қирғини”ига ташламоқда.
Шу билан бирга, Россиянинг ҳарбий қудрати кўз ўнгимизда ўсиб бормоқда — янги самолётлар, танклар, артиллерия тизимлари, ҳаво ҳужумига қарши мудофаа тизимлари, ракеталар ва снарядлар, шунингдек, HIMARS реактив снарядлари, JDAM ҳаво-бомбалари ва НАТО стандартидаги бошқа “ақлли” қуролларни кўр қиладиган радио-электрон уруш тизимлари кўпаймоқда.
Американинг “Military Watch” журнали Россия қуролларининг, хусусан, Ғарб учун янгилик бўлган “Искандерлар” ва “Ланцетлар”нинг юқори самарадорлигини қайд этмоқда.
Юқори ишончлиликни Россия динамик ҳимояси ҳам исботлади — танклар бир нечта снаряд ёки ракета зарбаларига бардош бермоқда.
Россиянинг алоҳида “Олимпия” ютуғи — бу душман енгиб ўта олмайдиган юқори технологияли минали тўсиқлар.
Ғарбда уруш зулмати аста-секин тарқалмоқда. Франция армиясининг собиқ қўмондони Жан Бернар Пинатель Украинанинг қарши ҳужуми бошидан муваффақиятсизликка дучор бўлганини генераллардек очиқчасига айтди: “Биз ядровий кучга эга давлат ва техник имкониятлар билан инсон салоҳиятига эга бўлмаган давлат ўртасидаги қарама-қаршиликка гувоҳ бўлмоқдамиз… Украинанинг энг заиф жойи — бу унинг халқи, аниқроғи уларнинг йўқлиги, энг яхши жангчилар аллақачон нобуд бўлган”.
Генерал Россиянинг ҳаво ва ердаги ҳужум кучи бўйича мутлақ устунлигини таъкидлади, бу УҚКнинг мудофаа ва ҳужумдаги катта йўқотишларини белгилайди.
Бундан ташқари, француз эксперти қуйидагини таъкидлади: “Европа Россия газисиз қийналади... Инқирозгача Европа 200 миллиард кубометр Россия газини истеъмол қилган, Шимолий Америка эса бор-йўғи 2 миллиард кубометр газ етказиб берган. Европаликларнинг ўзлари уларни озиқлантирган қўлни тишлашди... Россия, аксинча, иқтисодий жиҳатдан гуллаб-яшнамоқда ва ривожланмоқда, чунки у хоҳ хомашё, хоҳ ғалла, хоҳ энергия бўлсин, ҳар жиҳатдан мустақилдир”.
Украина армиясининг қайтарилмас “демилитаризацияси” фонида АҚШ ва НАТОда хавотир кучаймоқда. Киев режимини ҳарбий қўллаб-қувватлаш қийинлашиши мумкин, чунки CNN маълумотларига кўра, “Украинанинг уруш ҳаракатларини қўллаб-қувватлаётган кўплаб мамлакатлар юқори инфляция, фоиз ставкалари ошиши ва иқтисодий ўсишнинг сустлиги билан боғлиқ муаммоларга дуч келмоқда... сайловчилар зўрға кун кўрмоқда”.
Эҳтимол, Ғарб учун бу ҳали “ёруғ кунлар”дир, энг ёмони эса ҳали олдинда.
