Артёмовскда Украинанинг саккизта ҳужуми қайтарилди
16:52 07.06.2023 (янгиланди: 17:29 07.06.2023)
© Sputnik / Евгений Биятов
/ Oбуна бўлиш
Россия Қуролли кучлари кун давомида Украинанинг Артёмовск йўналишида амалга оширган 8 та, Времевский бўртиғида 3 та ҳужумини қайтарди. Душман катта йўқотишлар билан чекинишга мажбур бўлди.
ТОШКЕНТ, 7 июн — Sputnik. Ўтган уч кунда кенг кўламли ҳужумга қарамасдан, жиддий муваффақиятга эриша олмаган Украина Қуролли кучлари 7 июнь куни Артёмовск мудофаасини ёриб ўтишга ҳаракат қилди.
Артёмовскнинг ғарбий чеккаси, Ягодное, Дубово-Василевка, Андреевка, Орехово-Василевка, шунингдек, Клешеевка аҳоли пункти ҳудудларида УҚКнинг 56-мото-пиёда, 57-механизациялашган бригадалари саккиз маротаба ҳужумга ўтишга уринишлари "Жануб" қўшинлар гуруҳи томонидан муваффақиятли қайтарилди. Артёмовск ва Жанубий Донецк йўналишида душман ўз мақсадига эриша олмади.
Ўтган сутка давомида Украина қуролли кучларининг 415 нафар ҳарбий хизматчи, иккита танк, тўққизта зирҳли жанговар техника, олтита бошқа техника, "Гвоздика" ўзиюрар артиллерия мажмуаси ва "Мста-Б" гаубицаси йўқ қилинди.
Времевский бўртиғида ҳам душманнинг учта ҳужуми қайтарилди. Украина армиясининг иккита батальон тактик гуруҳлари томонидан ДХРнинг Нескучное, Новодонецкое ва Запорожье вилоятининг Левадное аҳоли пунктлари ҳудудларига амалга оширилган ҳужумлар Россиянинг "Шарқ" қўшинлар гуруҳи томонидан қайтарилди.
Жанубий Донецк йўналишида ўтган сутка давомида 190 нафар украиналик ҳарбий хизматчи, 8 та танк, шу жумладан, Францияда ишлаб чиқарилган иккита АМХ-10 ғилдиракли танки, 20 та зирҳли жанговар машинаси, 12 та техникаси, АҚШда ишлаб чиқарилган М777 артиллерия тизими ва "Гвоздика" ўзиюрар артиллерия мажмуаси, Д-20 ва Д-30 гаубицалари ва "Гиацинт-Б" тўпи йўқ қилинди.
Россия ҳаво мудофаа кучлари томонидан ўтган сутка двомида:
Украина Ҳарбий-ҳаво кучларининг битта Су-27 ва битта МиГ-29 қирувчи самолёти уриб туширилди;
АҚШда ишлаб чиқарилган HIMARS, "Ураган" ва "Ольха" реактив тизимларининг 24 та ракетаси тутиб олинди;
ДХРнинг Донецк, Верхнеторецкое, Горняк, ЛХРнинг Верхнекаменка, Кременная, Макиивка, Илченково, Запорожье вилояти Инженерное, Херсон вилоятиниинг Голая Пристань аҳоли пунктларида Украинанинг 22 та учувчисиз учиш аппарати йўқ қилинди.
Махсус ҳарбий операция бошлангандан бери Украина жами 438 та самолёт, 238 та вертолёт, 4527 та учувчисиз учиш аппарати, 424 та зенит-ракета мажмуаси, 9634 та танк ва бошқа зирҳли жанговар техникалар, 1119 та кўп ракетали тизимлар, 5034 та дала артиллерия қуроллари ва миномётлари, шунингдек, 10771 дона махсус ҳарбий машиналаридан маҳрум бўлди.
