Махсус операция: 5 июннинг асосий воқеалари
22:18 05.06.2023 (янгиланди: 12:01 06.06.2023)
© Sputnik / Дмитрий Макеев
/ Oбуна бўлиш
Украина Қуролли кучлари 4 июнь куни амалга оширган қарши ҳужуми улар учун ҳеч қандай ижобий натижа олиб келмади. Душман 300га яқин қурбонлар билан чекинишга мажбур бўлди.
ТОШКЕНТ, 5 июн — Sputnik. Россия Федерацияси олиб бораётган махсус ҳарбий операция доирасида сўнгги кунда содир бўлган асосий воқеалар.
Мудофаа вазирлигининг ҳисоботи:
Жанубий Донецк йўналишида 4 июнь куни Украина Қуролли кучлари кенг кўламли ҳужумга уринишди. Ҳужумда УҚК томонидан олтита механизациялашган ва иккита танк баталонлари иштирок этди.
"Шарқ" кучлар гуруҳи бўлинмалари ДХРнинг Нескучное ва Запороже вилоятининг Новодаровка аҳоли пунктлари ҳудудларида душманга ҳаво ва артиллерия зарбалари берди. Натижада ушбу йўналишда бир суткада 300 тагача украиналик ҳарбий хизматчи, 16 та танк, 26 та зирҳли жанговар техника ва 14 та техника йўқ қилинди. Душман "қарши ҳужуми" қайтарилди.
Белгород вилоятига террорчилар ҳужуми. Украина диверсион кучлари Северский Донец дарёсини кечиб ўтиб, Новая Таволжанка аҳоли пунктида жойлашиб олмоқчи бўлишди. ФСБ 4 июнь куни иккита Украина террорчи гуруҳининг уринишини бартараф этди.
Киев режимининг террорчи тузилмалари Ғарбий ҳарбий округи Давлат чегараси қўриқлаш бўлинмаларининг ҳаво зарбалари ва артиллерия ўқлари натижасида йўқ қилинди.
Белгород вилоятида жанглар натижасида 10 дан ортиқ террорист, иккита қайиқ ва битта зирҳли машина йўқ қилинди. Бундан ташқари, УҚКнинг бешта миномёт взводлари, "Град" реактив тизими Польшада ишлаб чиқарилган иккита "Краб" ўзиюрар артиллерия мажмуаси йўқ қилинди.
Купянск йўналишида "Ғарб" қўшинлар гуруҳи Харков вилоятининг Цинковка, Котляровка ва Крахмалное аҳоли пунктлари ҳудудларида душманнинг 90 нафаргача ҳарбий хизматчиси, учта зирҳли жанговар машинаси, Польшада ишлаб чиқарилган "Краб" ўзиюрар артиллерия мажмуаси, шунингдек, Д-20 гаубицаси йўқ қилинди.
Бундан ташқари, Харков вилоятининг Малиновка қишлоғи яқинида Украина Қуролли кучларининг 60-мотоўқчилар бригадасининг ўқ-дорилар омбори йўқ қилинди.
Луганск Халқ Республикасининг Новоселовское, Харков вилоятининг Молчаново, Олшана, Берестовое ва Орлянка аҳоли пунктлари ҳудудларида Украинанинг бешта қўпорувчилик ва разведка гуруҳининг ҳаракатлари бостирилди.
Красний Лиман йўналишида "Марказ" кучлари гуруҳи Луганск Халқ Республикасининг Невское, Донецк Халқ Республикасининг Ямполовка ва Серебрянка аҳоли пунктлари ҳудудларида душманнинг 65 дан ортиқ ҳарбий хизматчилари, иккита зирҳли жанговар машинаси, иккита пикапи, "Акация" ўзиюрар артиллерия мажмуаси, "Мста-Б" ва Д-20 гаубицалари, шунингдек, "Нона-С" ўзиюрар артиллерия мосламаси йўқ қилинди.
Луганск Халқ Республикасининг Кузмино посёлкаси ҳудудида Украина разведка-диверсия гуруҳи йўқ қилинди.
Донецк йўналишида Мариинканинг марказий қисмидаги "Ахмат" махсус кучлари отряди, шунингдек, Донецк Халқ Республикасининг Авдеевка ҳудудидаги 1-армия корпуси бўлинмалари томонидан фаол жанговар ҳаракатлар олиб борилди.
"Жануб" қўшинлар гуруҳининг артиллерия ўқлари Донецк Халқ Республикасининг Бердичи, Химик, Первомайское ва Курахово аҳоли пунктлари ҳудудларида душманга зарба берди.
Кун давомида ушбу йўналишда жангларда кунига 425 нафаргача украиналик ҳарбий хизматчи, битта БМП, 14 та техника, Германияда ишлаб чиқарилган "Panzerhaubitze 2000" ўзиюрар артиллерия мосламаси, Мста-Б ва Д-30 гаубицалари йўқ қилинди.
ДХРнинг Дзержинск посёлкаси ҳудудида УҚКнинг 24-механизациялашган бригадасининг иккита ўқ-дори омбори йўқ қилинди.
Херсон йўналишида Россия артиллериясининг ўққа тутиши натижасида бир суткада 20 нафаргача украиналик ҳарбий хизматчи, иккита пикап, "Град" реактив тизими жанговар машинаси ва Д-30 гаубицаси йўқ қилинди. Херсон вилоятининг Николское қишлоғи яқинида 126-ҳудудий мудофаа бригадасининг ўқ-дорилар омбори йўқ қилинди.
Россия авиацияси, ракета кучлари ва артиллерияси кун давомида УҚКнинг 104 та позицияда жойлашган 98 та артиллерия бўлинмалари ишчи кучи ва ҳарбий техникасига зарба берди.
Ҳаво мудофаа кучлари кун давомида:
ДХРнинг Закотное посёлкаси ҳудудида УҚКнинг Су-27 самолётини уриб туширди,
8 та АҚШда ишлаб чиқарилган HIMARS ва "Ураган" ракеталари тутиб олинди,
Харков вилоятининг Шевченково, Олшана, ЛХРнинг Золотаревка, Кременная, ДХРнинг Владимировка, Кирилловка, Старомлйновка ва Херсон вилоятининг Забарино аҳоли пунктлари ҳудудларида Украинанинг 13 та учувчисиз учиш аппарати йўқ қилинди.
Махсус ҳарбий операция бошлангандан бери Украина ҚК жами 433 та самолёт, 236 та вертолёт, 4486 та учувчисиз учиш аппарати, 424 та зенит-ракета комплекси, 9431 та танк ва бошқа зирҳли жанговар техникалар, 1114 та кўп ракета тизимлар жанговар техникаси, 5009 та дала артиллерия қуроллари ва миномётлар, шунингдек, 10688 дона махсус ҳарбий машиналаридан маҳрум бўлди.
