Тошкентда 8 та автомобиль иштирокида ЙТҲ содир бўлди — видео

© Sputnik / Алексей Майшев / Медиабанкка ўтишТошкентда 8 та автомобиль иштирокида ЙТҲ содир бўлди — видео
Тошкентда 8 та автомобиль иштирокида ЙТҲ содир бўлди — видео
 - Sputnik Ўзбекистон, 1920, 01.06.2023
Oбуна бўлиш
Йўл-транспорт ҳодисаси оқибатида "Lacetti" русумли автомашина ҳайдовчиси тан жароҳати олиб, шифохонага олиб кетилган.
ТОШКЕНТ, 1 июн — Sputnik. Кеча, 31 май куни соат 21:00 ларда Тошкент шаҳри Учтепа туманида 8 та транспорт воситаси иштирокида йўл-транспорт ҳодисаси содир бўлди. Бу ҳақда Тошкент шаҳар ИИББ ЙҲХБ ахборот хизмати хабар берди.
Ҳодиса Тошкент ҳалқа автомобиль йўли (ТҲАЙ) - Заргарлик кўчалари кесишган чорраҳасида юз берган.

Ушбу йўл-транспорт ҳодисасида КамАЗ, 3 та "Lacetti, 2 та "Spark", "Nexia 3" ва "Matiz" автомашиналари тўқнашган.

ЙТҲ оқибатида "Lacetti" ҳайдовчиси тан жароҳати олиб, шифохонага олиб кетилган.
Ҳолат юзасидан суриштирув ҳаракатлари олиб борилмоқда.
Эслатиб ўтамиз, аввалроқ Фарғона вилояти Қувасой шаҳрида Қўриқлаш бошқармаси тезкор ҳаракатланувчи гуруҳ автомашинаси ва тез тиббий ёрдам машиналари ўртасида йўл-транспорт ҳодисаси содир бўлган эди.
Янгиликлар лентаси
0