https://sputniknews.uz/20230501/mirziyoev-mdh-bosh-kotibi-34523716.html

Мирзиёев МДҲ бош котибини қабул қилди

Мирзиёев МДҲ бош котибини қабул қилди

Sputnik Ўзбекистон

Ўзбекистон президенти кўп қиррали ҳамкорликни илгари суришда МДҲнинг аҳамиятини қайд этди. 01.05.2023, Sputnik Ўзбекистон

2023-05-01T21:22+0500

2023-05-01T21:22+0500

2023-05-01T21:22+0500

референдум — 2023

сиёсат

шавкат мирзиёев

сергей лебедев

https://cdn1.img.sputniknews.uz/img/07e7/05/01/34523808_0:67:1280:787_1920x0_80_0_0_36196769869a7baac05eda872067cde9.jpg

ТОШКЕНТ, 1 май — Sputnik. Ўзбекистон президенти Шавкат Мирзиёев 1 май куни Конституция бўйича референдумни кузатувчилар миссияси бошчилигида мамлакатда бўлиб турган Мустақил Давлатлар Ҳамдўстлиги (МДҲ) бош котиби Сергей Лебедевни қабул қилди.Давлат раҳбари Ҳамдўстлик бош котиби ва миссия аъзоларига мамлакатнинг барча ҳудудларида фаол ишлагани ҳамда референдумнинг бориши ва натижаларига юксак баҳо бергани учун самимий миннатдорлик билдирди.Нуфузли минтақавий ташкилот раҳбари, ўз навбатида, Ўзбекистон етакчиси ва кўп миллатли халқини референдум жараёнлари юксак халқаро талаблари ва стандартларига мувофиқ муваффақиятли ташкил этилгани билан дилдан қутлади.Референдум якунлари Янги Ўзбекистонни барпо этиш ва мамлакатда демократик янгиланишларни давом эттиришда муҳим босқич бўлишига ишонч билдирилди.Учрашувда ўзаро манфаатли, энг аввало, савдо-иқтисодий, саноат ва транспорт соҳаларидаги ҳамкорликни мустаҳкамлашда МДҲнинг муҳим ўрни қайд этилди. Ҳамдўстлик маконида инвестициялар жадал суръат билан ўсаётгани таъкидланди, жорий йилнинг март ойида Самарқанд шаҳрида ўтган Ташқи ишлар вазирлари кенгаши мажлисининг самарали натижалари юқори баҳоланди.Фаол гуманитар алмашинувларни бундан буён ҳам давом эттиришга алоҳида эътибор қаратилди.

https://sputniknews.uz/20230501/referendum-yakuniy-natijalar-34515633.html

2023

Янгиликлар

uz_UZ

сиёсат, шавкат мирзиёев, сергей лебедев