Махсус операция: 13 апрелнинг асосий воқеалари
22:24 13.04.2023 (янгиланди: 11:14 14.04.2023)
© Sputnik / Евгений Биятов
/ Oбуна бўлиш
Артёмовскда "Вагнер" ҳужум отрядлари УҚКни шаҳрининг марказий кварталларидан сиқиб чиқармоқда. Уларга қанотларда ҳаво-десант бўлинмалари ёрдам бермоқда.
ТОШКЕНТ, 13 апр — Sputnik. Россия Федерацияси олиб бораётган махсус ҳарбий операциянинг сўнгги сутка давомида содир бўлган асосий воқеалари.
Мудофаа вазирлиги ҳисоботи:
Купянск йўналишида "Ғарб" қўшинлар гуруҳи Харков вилоятининг Двуречная, Цинковка, Тимковка ва ЛХРнинг Новоселовское аҳоли пунктлари ҳудудларида жойлашган Украина Қуролли кучларининг 35 дан ортиқ ҳарбий хизматчилари, иккита автомобили, шунингдек, "Гвоздика" ўзиюрар гаубицасини йўқ қилди.
Красний Лиман йўналишида "Марказ" қўшинлар гуруҳи Луганск Халқ Республикасининг Червоная Диброва, ДХРнинг Терна ва Григоровка аҳоли пунктлари ҳудудларида душманнинг 80 тагача ҳарбий хизматчиси, иккита зирҳли жанговар машинаси ва Д-20 гаубицасини йўқ қилди.
Бундан ташқари, Луганск Халқ Республикасининг Невское аҳоли пункти ҳудудида Украина Қуролли кучларининг 66-механизациялашган бригадасининг ўқ-дорилар омбори йўқ қилинди.
Донецк йўналишида "Вагнер" ҳужум отрядлари Артёмовск шаҳрининг марказий кварталларидан душманни сиқиб чиқариш бўйича шиддатли жанглар олиб бормоқда. Ҳаво-десант қўшинлари ҳужум отрядлари уларга чап ва ўнг қатнотларда ёрдам бермоқда ва УҚК захираларини етказиб бериш ва душман бўлинмаларининг Артёмовскдан чекиниш имкониятини тўсиб қўймоқда.
ДХРнинг Калиновка, Николаевка ва Ступочки аҳоли пунктлари ҳудудларида "Жануб" қўшинлар гуруҳи Украина Қуролли кучларининг аскарлари ва техникаси тўпланган жойларига зарба берди.
Артёмовск ҳудудида сўнгги 24 соат ичида Россия Аэрокосмик кучларининг самолётлари 12 маротаба парвоз амалга оширди, ракета қўшинлари ва артиллерия 57 ўт очиш нуқтасини бостирди.
Донецк йўналишида душманинг бир суткадаги жами йўқотишлари 300 нафар ҳарбий хизматчи, битта БМП, олтита зирҳли жанговар машина, иккита автомашина, Д-20 гаубицаси, шунингдек, "Гвоздика" ўзиюрар артиллерия мажмуасини ташкил этди.
Жанубий-Донецк ва Запорожье йўналишларида "Шарқ" қўшинлар гуруҳи артиллерия зарбалари ёрдмидв ДХРнинг Угледар, Полтавка, Запорожье вилоятининг Верхняя Терса ва Омелник аҳоли пунктлари ҳудудларида Украина Қуролли кучлари бўлинмаларинининг 20 нафаргача ҳарбий хизматчиси, иккита зирҳли жанговар машинаси, Мста-Б гаубицаси йўқ қилинди.
Запорожье вилоятининг Гуляиполе қишлоғи яқинида 102-ҳудудий мудофаа бригадасининг ўқ-дорилар омбори йўқ қилинди.
Херсон йўналишида 35 нафаргача украиналик ҳарбий хизматчи, иккита зирҳли жанговар техникаси, шунингдек, "Гвоздика" ўзиюрар гаубицаси йўқ қилинди.
Россия авиацияси, ракета кучлари ва артиллерияси ёрдамида Украина Қуролли кучларининг 124 та позицияда жойлашган 97 та артиллерия бўлинмаларига зарба берилди.
Ҳаво ҳужумидан мудофаа тизимлари ўтган сутка давомида HIMARS (АҚШ) кўп ракета ракета тизимининг 9 та ракетасини тутиб олди.
Луганск Халқ Республикасининг Червоная Диброва, ДХРнинг Кременная, Пшеничное, Рубежное, Кирилловка ва Волноваха аҳоли пунктлари ҳудудларида Украинанинг 6 та учувчисиз аппарати йўқ қилинди.
Махсус ҳарбий операция бошлангандан бери Украинанинг жами 407 та самолёти, 228 та вертолёти, 3 747 та учувчисиз учиш аппарати, 415 та зенит-ракета комплекси, 8 659 та танк ва бошқа зирҳли жанговар техникалари, 1082 та кўп ракетали тизимларининг жанговар машиналари, 4576 та дала артиллерияси ва миномётлари, шунингдек, 9487 дона махсус ҳарбий техникаси йўқ қилинди.
