Махсус операция: 4 апрелнинг асосий воқеалари
20:30 04.04.2023 (янгиланди: 18:44 05.04.2023)
© Sputnik / Алексей Майшев
/ Oбуна бўлиш
Россия Қуролли кучлари махсус операция мақсадларига мувофиқ Украина армияси, миллатчи батальонлари, хорижий ёлланма аскарлар гуруҳлари ҳамда ҳарбий техникасини йўқ қилишда давом этмоқда.
ТОШКЕНТ, 4 апр — Sputnik. Россия Федерацияси олиб бораётгам махсус ҳарбий операциянинг сўнгги сутка давомида содир бўлган асосий воқеалари.
Мудофаа вазирлиги ҳисоботи:
Купянск йўналишида "Ғарб" қўшинлар гуруҳи Харков вилоятининг Двуречная, Цинковка, Берестовое ва Луганск Халқ Республикасининг Стелмахивка аҳоли пунктлари ҳудудларида Украина Қуролли Кучларининг 30 дан ортиқ ҳарбийлари, иккита зирҳли жанговар машинаси, битта автомобиль ва Д-20 гаубицасини йўқ қилди.
Красний Лиман йўналишида "Марказ" қўшинлар гуруҳи ЛХРнинг Невское, ДХРнинг Ямполовка ва Григоровка аҳоли пунктлари ҳудудларида душманнинг 225 нафаргача ҳарбий хизматчилари, учта зирҳли жанговар техникаси, "Гвоздика" ўзиюрар артиллерия мажмуаси ва Д-30 гаубицасини йўқ қилди.
Донецк йўналишида "Жануб" кучлар гуруҳи фаол ҳаракатлари натижасида душманнинг 65 нафаргача ҳарбий хизматчилари, тўртта зирҳли жанговар машинаси, иккита автомашинаси ва битта Д-30 гаубицаси йўқ қилинди.
Жанубий Донецк ва Запорожье йўналишларида "Шарқ" қўшинлари гуруҳи Донетск Халқ Республикасининг Угледар, Новоселка, Запороже вилоятининг Орехов ва Шербаки аҳоли пунктлари ҳудудларида душманнинг 70 нафаргача ҳарбий хизматчиси, иккита зирҳли жанговар машинаси ва битта Д-20 гаубицасини йўқ қилди.
Херсон йўналишида душманнинг 10 тагача ҳарбий хизматчиси, иккита автомашинаси ва иккита Д-30 гаубицаси йўқ қилинди.
Россия авиацияси, ракета қўшинлари ва артиллерияси кун давомида 96 та ҳудудда жойлашган 83та артиллерия бўлинмаларига зарба берди.
Бундан ташқари, Харков вилоятидаги Огурцово, Донетск халқ республикасидаги Курахово ва Запороже вилоятидаги Орехов аҳоли пунктлари ҳудудларида душманнинг учта артиллерия омбори йўқ қилинди.
Донецк Халқ Республикасининг Константиновка аҳоли пункти ҳудудида Украина Қуролли кучларининг ракета ва артиллерия қуроллари омбори вайрон қилинди.
Ҳаво ҳужумидан мудофаа тизимлари кун давомида HIMARS (АҚШ) реактив тизимининг учта ракетасини тутиб олди. Шунингдек, ДХРНинг Красногоровка ва Херсон вилоятидаги Каховка аҳоли пунктлари ҳудудларида Украинанинг учта учувчисиз учиш аппаратларини йўқ қилди.
Махсус ҳарбий операция бошлангандан бери Украинанинг жами 405 та самолёти, 228 та вертолёти, 3 651 та учувчисиз учиш аппарати, 415 та зенит-ракета комплекси, 8 534 та танк ва бошқа зирҳли жанговар техникалари, 1 078 та кўп сонли ракета тизимларининг жанговар техникаси, 4501 та дала артиллерия қуроллари ва миномётлари, шунингдек, 9292 дона махсус ҳарбий техникаси йўқ қилинди.
