Махсус операция: 8 мартнинг асосий хабарлари
18:48 08.03.2023 (янгиланди: 18:44 05.04.2023)
© Sputnik / Алексей Майшев
/ Oбуна бўлиш
Россия Қуролли кучлари махсус операция мақсадларига мувофиқ Украина армияси, миллатчи батальонлари, хорижий ёлланма аскарлар гуруҳлари ҳамда ҳарбий техникасини йўқ қилишда давом этмоқда.
ТОШКЕНТ, 8 мар - Sputnik. Россия Федерацияси олиб браётган махсус ҳарбий операциянинг сўнгги сутка давомида содир бўлган асосий воқеалари.
Мудофаа вазирлиги ҳисоботи:
Купянск йўналишида "Ғарбий" кучлар гуруҳининг ҳужуми ва авиация зарбалари натижасида Харков вилоятининг Берестовое, Цинковка, Крахмалное аҳоли пунктлари ҳамда ЛХРнинг Розовка аҳоли пункти ҳудудида душманга зарбалар берилди.
Шунингдек, Харков вилоятининг Табаевка, Гряниковка, Олшана, ЛХРнинг Артёмовка, Новоселовское ва Стелмаховка аҳоли пунктлари ҳудудларида УҚК 10та қўпорувчи - разведка гуруҳининг ҳаракатлари тўхтатилди.
Зарбалар натижасида ушбу йўналишда 60 нафаргача украиналик ҳарбий хизматчи, иккита зирҳли жанговар техникаси, учта техникаси, шунингдек, "Акация" ўзиюрар гаубицаси йўқ қилинди.
Красний Лиман йўналишида "Марказ" қўшинлар гуруҳи ЛХРнинг Невское, Новолюбовка, Червонопоповка, Червоная Диброва аҳоли пунктлари ҳудудларида ва ДХРнинг Григоровка аҳоли пункти ҳудудида УҚКга зарба бериши натижасида душман 130 га яқин ҳарбий хизматчиларини, иккита БМП, учта зирҳли жанговар машина, учта автомашина ва "Гвоздика" ўзиюрар гаубицасини йўқотди.
Донецк йўналишида "Жанубий" қўшинлар гуруҳининг фаол ҳаракатлари натижасида УҚК 180 дан ортиқ ҳарбий хизматчилари, иккита танки, учта БМП, 5 та транспорт воситаси, "Акация" ва "Гвоздика" ўзиюрар гаубицаларидан маҳрум бўлди.
Жанубий Донецк ва Запорожье йўналишларида "Восток" қўшинлар гуруҳи ДХРнинг Угледар, Павловка, Новоселка ва Запорожье вилоятининг Новоданиловка аҳоли пунктлари ҳудудларида душманга зарба бериши натижасида, УҚКнинг 65 тагача ҳарбий хизматчиси, битта танк, иккита зирҳли жанговар машина, учта пикап, шунингдек, Мста-Б гаубицаси йўқ қилинди.
Херсон йўналишида артиллериядан ўқ узилиши натижасида бир суткада 50 дан ортиқ украиналик ҳарбий хизматчилар, иккита автомобиль ва Д-30 гаубицаси йўқ қилинди.
Россия авиацияси, ракета кучлари ва артиллерияси 207та ҳуддда УҚКнинг 87 та артиллерия бўлинмаси ўқ отиш позициялари, ишчи кучига зарба берди.
ДХРнинг Новоалександровка аҳоли пункти ҳудудида 36Д6 паст учувчи ҳаво нишонларини аниқлаш учун Украина радиолокацион станцияси йўқ қилинди.
ДХРнинг Мемрик қишлоғи ҳудудида УҚКнинг 59-мото-ўқчи бригадаси штаб-квартирасига зарба берилди.
Ҳаво ҳужумидан мудофаа тизимлари Херсон вилояти Новая Каховка, Николаевка, Запорожье вилоятининг Червоноармейск ва ДХРнинг Николское, ЛХРнинг Шипиловка аҳоли пунктлари ҳудудларида Украинанинг бешта учувчисиз учиш аппарати ва HIMARS (АҚШ) кўп ракета тизимининг 4та ракетасини уриб туширди.
Махсус ҳарбий операция бошлангандан бери Украина жами 398 та самолёт, 217 та вертолёт, 3361 та учувчисиз учиш аппарати, 410 та зенит-ракета тизими, 8222 та танк ва бошқа зирҳли жанговар техникалар, 1055 та кўп ракетали тизимлар, 4300 та. артиллерия қуроллари ва миномётлари, шунингдек, 8798 дона махсус ҳарбий машиналарини йўқотди
