Махсус операция: 15 февралнинг асосий хабарлари
23:10 15.02.2023 (янгиланди: 18:43 05.04.2023)
© Sputnik
/ Oбуна бўлиш
Россия Қуролли кучлари махсус операция мақсадларига мувофиқ Украина армияси, миллатчи батальонлари, хорижий ёлланма аскарлар гуруҳлари ҳамда ҳарбий техникасини йўқ қилишда давом этмоқда.
ТОШКЕНТ, 15 фев - Sputnik. Россия Федерацияси олиб бораётган махсус ҳарбий операциянинг асосий хабарлари.
Мудофаа вазирлиги баёноти:
Купянск йўналишида "Ғарбий" қўшинлар гуруҳи Харков вилоятининг Двуречная ва Котляровка аҳоли пунктлари ҳудудида Украина Қуролли Кучларининг 14механизациялашган бригадаси ва 103-ҳудудий мудофаа бригадаси шахсий таркиби ва техникасига зарба берди.
Харков вилоятининг Крахмалное, Масютовка, Першотравневе, Тимковка ва ЛХРнинг Новоселовское аҳоли пунктлари ҳудудларида Украина Қуролли кучларининг 8та диверсион-разведка гуруҳини йўқ қилди.
Душман жами йўқотишлари 100 нафаргача ҳарбий хизматчи, иккита зирҳли жанговар техникаси, тўртта бошқа техникаси ва битта Д-30 гаубицасини ташкил қилган.
Харков вилояти Ветеринарное посёлкаси ҳудудида 113-ҳудудий мудофаа бригадасининг ўқ-дорилар омбори йўқ қилинди.
Красно-Лиманский йўналишида "Центр" қўшинлар гуруҳи ЛХРинг Червоная Диброва, Стелмаховка ва ДХРнинг Ямполовка аҳоли пунктлари ҳудудида жойлашган УҚКнинг 67, 92-механизациялашган ва 25-ҳаво-десант бригадалари бўлинмаларига зарба берди. Душман йўқотишлари 65 нафаргача украиналик ҳарбий хизматчи, БМП, иккита зирҳли жанговар машинаси, учта автомашина, иккита "Гвоздика" ўзиюрар гаубицаси ва "Град" реактив тизимини ташкил қилди.
Донецк йўналишида "Жанубий" кучлар гуруҳи ҳужум операциялари натижасида УҚКнинг 190 нафаргача украиналик ҳарбий хизматчилари, иккита БМП, битта БИР, учта автомашина, "Мста-Б" гаубицаси ва М777 (АҚШ) артиллерия тизими йўқ қилинди.
Жанубий Донецк ва Запорожье йўналишларида "Восток" қўшинлари гуруҳи Донетск Халқ Республикасининг Угледар ва Новоселка аҳоли пунктлари ҳудудларида Украина Қуролли кучлари бўлинмаларига зарба берди. Душманнинг 60 дан ортиқ ҳарбий хизматчиси, иккита танки, тўртта БМП, иккита зирҳли жанговар машинаси, Д-20 ва Д-30 гаубицалари, шунингдек, "Гвоздика" ўзиюрар гаубицалари йўқ қилинди.
Херсон вилоятида ҳам артиллерияга қарши жангда УҚКнинг "Гвоздика" ўзиюрар гаубицаси ва Д-30 гаубицаси йўқ қилинди.
Авиация, ракета кучлари ва артиллерия УҚКнинг 112 та ҳудудда жойлашган 87 та артиллерия бўлинмаларини ҳарбий хизматчилари ва техникасини йўқ қилди.
Ҳаво ҳужумидан мудофаа тизимлари ЛХРнинг Софиевка, Поповка, Голиково, Новокраснянка, Кременная, Житловка, Червоноповка аҳоли пунктлари ҳудудларида УҚКнинг 11та учувчисиз аппаратларини ва HIMARS (АҚШ) реактив тизиминиг 8та снарядини тутиб олишди.
Махсус ҳарбий операция бошлангандан буён Украина жами 385 та самолёт, 208 та вертолёт, 3132 та учувчисиз учиш аппарати, 404 та зенит-ракета комплекси, 7875 та танк ва бошқа зирҳли жанговар техника, 1020 та кўп ракета тизимларининг жанговар техникаси, 4101 та жанговар дала артиллерия қуроллари ва миномётлар, шунингдек, 8388 дона махсус ҳарбий техника йўқотди.
