Махсус операция: 16 декабрнинг асосий хабарлари
20:20 16.12.2022 (янгиланди: 18:42 05.04.2023)
© Sputnik / Константин Михальчевский
/ Oбуна бўлиш
Махсус операция ҳудудида фаол жанглар сони камайиб асосий позицион ҳарбий ҳаракатлар амалга оширилмоқда. УҚКнинг кам сонли ҳужум ва разведка-диверсион уринишлари муваффақиятли қайтарилмоқда.
ТОШКЕНТ, 16 дек - Sputnik. Россия Федерацияси Донбассда олиб бораётган махсус операциянинг ўтган сутка давомида содир бўлган энг муҳим воқеалари.
Россия Мудофаа вазирлиги баёноти:
Купянск йўналишида, Харков вилоятининг Берестовоэ ва Кисловка аҳоли пунктлари ҳудудларида Украина ҚК ўққа тутилди, 20 нафаргача украиналик ҳарбий хизматчи, иккита зирҳли жанговар машина ва учта пикап йўқ қилинди.
Красно-Лиманский йўналишида ўтказилган ҳужум ва артиллерия зарбалари натижасида 50 дан ортиқ украиналик ҳарбий хизматчи, иккита БМП ва учта пикап йўқ қилинди.
ДХРнинг Терний ва ЛХРнинг Червоная Диброва аҳоли пунктлари ҳудудларида Украина Қуролли кучларининг учта диверсион-разведка гуруҳи аниқланди ва йўқ қилинди.
Донецк йўналишида рус қўшинлари душманни ўз позицияларидан сиқиб чиқариб, ҳужум операцияларини давом эттирдилар. ДХРНинг Артемовск ва Шуми, шунингдек, ЛХРнинг Белогоровка аҳоли пунктлари ҳудудларида душманнинг учта қарши ҳужуми қайтарилди. Украина аскарлари ўз позицияларига қайтарилди. Душман йўқотишлари 40 дан ортиқ ҳарбий хизматчи, учта зирҳли жанговар машина ва иккита автомашинани ташкил этди.
Жанубий-Донецк йўналиши ДХРНинг Сладкое аҳоли пунктида УҚКнинг мустаҳкамланган ротаси ҳужумининг олди олинди. . ДХРнинг Новомаёрское ва Шевченко аҳоли пунктлари ҳудудларида Украина Қуролли кучларининг иккита диверсион-разведка гуруҳи йўқ қилинди. Бу йўналишда кун давомида 50 нафаргача украиналик ҳарбий хизматчи ва учта техника йўқ қилинган.
Херсон вилоятининг Берислав шаҳри яқинидаги 1-ҳудудий мудофаа бригадаси бўлинмаларининг қўмондонлик пунктларига ракета қўшинлари ва артиллерия, Запорожье вилояти Гуляиполе шаҳри яқинидаги 102 ва 108-ҳудудий мудофаа бригадалари, 64 та артиллерия позициясига зарба берилди.
Харковда Украина Қуролли кучларининг ракета ва артиллерия қуроллари омбори вайрон қилинди. ДХРнинг Рай-Александровка қишлоғи яқинида С-300 зенит-ракета мажмуасининг радар станцияси йўқ қилинди.
Ҳаво ҳужумидан мудофаа тизимлари ДХР, Харьков вилояти, Новая Тарасовка, Новоукраинское, Графское ва Сладкое аҳоли пунктлари ҳудудларида тўртта Украина учувчисиз аппаратини уриб туширди. Бундан ташқари, ЛХРнинг Первомайск шаҳри яқинида иккита HIMARS ракетаси тутиб олинган.
Махсус ҳарбий операция бошлангандан бери Украинанинг жами 344 та самолёти, 184 та вертолёти, 2673 та учувчисиз учиш аппарати, 396 та зенит-ракета мажмуаси, 7134 та танк ва бошқа зирҳли жанговар техникалари, 931 та кўп ракета тизимига эга жанговар техника, 3689 та майдон артиллерия қуроллари ва миномётлари, шунингдек, 7625 дона махсус ҳарбий машиналар йўқ қилинди.
