Тиббиёт ва фармацевтика ходимларига малака тоифалари бериш учун имтиҳонлар ўтказилади

© Sputnik / Владимир Астапкович / Медиабанкка ўтишТаблетки в колбах
Таблетки в колбах - Sputnik Ўзбекистон, 1920, 27.10.2022
Oбуна бўлиш
Соҳа ходимлари ноябрь-декабрь ойларида имтиҳондан ўтишади.
ТОШКЕНТ, 27 окт — Sputnik. Тиббиёт ва фармацевтика ходимларига малака тоифалари бериш учун имтиҳонлар ўтказилади. Бу ҳақида Соғлиқни сақлаш вазирлиги хабар берди.
Соҳа ходимлари ноябрь-декабрь ойларида имтиҳондан ўтишади. Бу бўйича Миллий палатанинг 55-сонли буйруғи билан аттестация ўтказиладиган саналар жадвали тасдиқланди.
“Тиббиёт ва фармацевтика ходимларининг имтиҳон хоналари видеокамералар билан жиҳозланган бўлиб, синов жараёнлари Соғлиқни сақлаш вазирлигининг расмий веб-сайтида онлайн трансляция қилинади”, дейилади хабарда.
Малака тоифаси берилганлиги тўғрисидаги буйруқлар ва у асосида расмийлаштирилган QR кодли электрон сертификатлар ССВ ва Миллий палатанинг расмий веб-сайтларига жойлаштириб борилади.
Маълумот учун, тиббиёт ва фармацевтика ходимига малака тоифаси мутахассислиги бўйича берилади. Бунда, иккинчи тоифа учун 3 йил, биринчи тоифа учун иккинчи малака тоифаси ва 5 йил, олий тоифа учун биринчи малака тоифаси ва 7 йил иш стажи талаб этилади.
Янгиликлар лентаси
0