Махсус операция: 3 октябрнинг асосий хабарлари
16:22 04.10.2022 (янгиланди: 18:40 05.04.2023)
© Sputnik / Виктор Антонюк
Oбуна бўлиш
Мудофаа вазирлиги хабарига кўра, сўнгги уч кун давомида олиб борилган жанговар ҳаракатлар натижасида Украина томони йўқотишлари 2000 мингдан ортқи аскар ва 150дан ортиқ ҳарбий техникани ташкил қилди
ТОШКЕНТ, 4 окт - Sputnik. Россия Федерацияси томонидан Украина ҳудудида олиб борилаётган махсус ҳарбий операциясига доир 3 октябрнинг асосиий воқеалари.
Россия Мудофаа вазирлиги баёноти:
Харков вилоятининг Купянск, Двуречная ва Куриловка аҳоли пунктларига берилган ракета зарбалари натижасида 140 дан ортиқ ҳарбий хизматчилар ва 19 та махсус ҳарбий техника йўқ қилинди. (Уч кунлик жанговар ҳаракатлар натижасида умумий йўқотишлар сони 500 дан ортиқ ҳарбий хизматчи ва 60 га яқин ҳарбий техникани ташкил этди.)
Славянск вилоятидаги Краснолиманский йўналишида Украина Қуролли Кучларининг 66-механизациялашган бригадасига берилган зарбалар натижасида 100 нафаргача ҳарбий хизматчи, олтита зирҳли машина ва иккита "Град" реактив тизими машинаси йўқ қилинди. (Уч кунлик жанговар ҳаракатлар натижасида Украина ҚКнинг 66 ва 93-механизациялашган бригадалари бўлинмалари йўқотишлари 900 дан ортиқ кишини ташкил этди)
Артёмовский йўналишида Калиновка қишлоғи яқинидаги жангларда Украина ҚКнинг 10-тоғ-ҳужум бригадасининг 260дан ортиқ шахсий таркиби ва 14та ҳарбий техникаси йўқ қилинди.
Донетск йўналишида Первомайское аҳоли пункти яқинида душман ҳужумини қайтариш жараёнида Украина ҚКнинг 56-мотоўқчи бригадаси 21-баталонининг 100 дан ортиқ ҳарбий хизматчиси ҳалок бўлди.
Николаевский ва Андреевский тактик йўналишларида Украина Қуролли Кучларининг барча ҳужумлари муваффақиятли қайтарилди. Россия Аэрокосмик кучларининг Херсон вилояти, Давидов Брод аҳоли пункти ҳудудидаги Украина Қуролли Кучларининг 24-механизациялашган бригадаси бўлинмаларига берган зарбаси натижасида 60 нафаргача жангари ва етти нафар ҳарбий хизматчи ҳалок бўлди
Золотая Балка, Александровка йўналишидаги қўшин сони бўйича бир неча баробар устун келадиган душман танк бўлинмалари Россия кучлари мудофаасининг ичига кириб боришга муваффақ бўлди. Россия қўшинлари олдиндан тайёрланган мудофаа чизиғига чекинди ва душманга кучли қарши ўт билан кутиб олишди. Жанговар ҳаракатларда Украина томонининг йўқотишлари 130 га яқин аскар ва 23 та ҳарбий техникани ташкил қилди.
ДХРнинг Краматорск, Артёмовск, Опитное, Ямпол ва Херсон вилоятининг Добрянка аҳоли пунктлари ҳудудларида бешта ракета ва артиллерия қуроллари ва ўқ-дорилар омбори йўқ қилинди.
ДХРнинг Никифоровка аҳоли пункти ҳудудида Россия Аэрокосмик кучлари Украинанинг С-300 зенит-ракета мажмуасининг радар станциясини йўқ қилди.
Запорожье вилоятидаги Цветковое, Святопетровка ва Яблоково аҳоли пунктлари ҳудудларида "Град" реактив тизимининг учта батареяси йўқ қилинди.
Россия Ҳаво ҳужумидан мудофаа тизимлари ДХРнинг Валеряновка, Харков вилоятининг Купянск ва Херсон вилоятининг Борозенское аҳоли пунктлари ҳудудларида учта учувчисиз учиш аппаратини уриб туширди. Бундан ташқари, Херсон вилоятидаги Новая Каховка, Веселе ва Новая Збуревка аҳоли пунктлари ҳудудларида Американинг HIMARS ракета тизимининг 15 та снарядлари ҳавода йўқ қилинди.
Маълумот учун, махсус ҳарбий операция бошлангандан бери жами 310 та самолёт, 155 та вертолёт, 2 137 та учувчисиз учиш аппарати, 378 та зенит-ракета тизими, 5 292 та танк ва бошқа зирҳли жанговар техникалар, 860 та ракета-ташувчи жанговар техника, 344 та артиллер ва миномётлар, шунингдек, 6189 дона махсус ҳарбий техника йўқ қилинди.
