НАТО террорчиларни Кавказдан Марказий Осиёга жўнатишни режалаштирмоқда – Эрон президенти

© Sputnik / Максим Блинов / Медиабанкка ўтишПрезидент Ирана Эбрахим Раиси выступил в Госдуме РФ
Президент Ирана Эбрахим Раиси выступил в Госдуме РФ - Sputnik Ўзбекистон, 1920, 20.01.2022
Oбуна бўлиш
НАТО террорчиларни Кавказдан Марказий Осиёга жўнатишни режалаштирмоқда - Эрон президенти.
НАТО террорчиларни Кавказдан Марказий Осиёга жўнатишни режалаштирмоқда. Бу ҳақда Эрон президенти Иброҳим Раиси Россия Давлат думаси йиғилишида сўзлаган нутқида айтиб ўтди.
Эрон раҳбарининг сўзларига кўра, НАТОнинг асосий мақсади - мустақил давлатларни ичкаридан заифлаштириш. Шунинг учун Алянс иқтисодий санкциялар жорий қилмоқда ва улардаги вазиятни беқарорлаштиришга ҳаракат қилмоқда.
НАТО ниқоб остида бошқа давлатларга кириб бормоқда.
“Ғарб моделини тарқатиш, мустақил демократик давлатларга қарши чиқиш, халқларнинг ўз тақдирини ўзи белгилашига қарши чиқиш – айнан шулар Альянснинг кун тартибида”, — деди Раиси.
Унинг таъкидлашича, бундай ҳаракатлар НАТОнинг парчаланишига олиб келади ва давлатлар унинг ҳийла-найрангини аллақачон тушуниб бўлган.
Бундан ташқари, Эрон президенти Москва ва Теҳроннинг ҳар икки давлат ички ишларига ташқи аралашувга қарши саъй-ҳаракатларини бирлаштириш ва икки томонлама манфаатларни самарали амалга ошириш зарурлигини маълум қилди.
Раиси Россиянинг Хитой, Покистон ва Туркия раҳбарлари билан хавфсизлик конференциялари ўтказиш истагини қўллаб-қувватлади.
Шунингдек, у Эрон ядровий қурол яратиш билан шуғулланмаётганини, чунки бу республиканинг мудофаа стратегиясида кўзда тутилмаганини таъкидлади.
Агар Ғарб Эронга қарши санкцияларни “самарали ва жиддий” олиб ташласа, мамлакат ядровий келишув бўйича келишувларга эришмоқчи, деб қўшимча қилди у.
Куни кеча Эрон президенти Россия президенти Владимир Путин билан илк учрашувини ўтказганди. Давлат раҳбарлари турли соҳалардаги ҳамкорликни кенгайтириш масалаларини муҳокама қилдилар.
Янгиликлар лентаси
0