Ўзбекистонда 215 нафар маҳкум афв этилди

© Sputnik / Максим Блинов / Медиабанкка ўтишКолючая проволока
Колючая проволока - Sputnik Ўзбекистон, 1920, 28.08.2021
Oбуна бўлиш
Ўзбекистон президенти фармони билан 215 нафар маҳкум афв этилди.
ТОШКЕНТ, 28 авг — Sputnik. “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги президент фармони қабул қилинди.
Фармонга мувофиқ, Ўзбекистон Республикаси Конституциясининг 93-моддаси 23-бандига асосан содир этган жинояти учун жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 215 нафар шахс афв этилди.
Фейерверк - Sputnik Ўзбекистон, 1920, 27.08.2021
Мустақиллик байрами тадбирлари очиқ майдонларда ўтказилади
Афв этилган шахсларнинг 3 нафари асосий жазодан озод этилди, 127 нафари жазони ўташдан муддатидан илгари шартли озод қилинди, 12 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 73 нафар шахсларга тайинланган озодликдан маҳрум этиш жазосининг муддатлари қисқартирилди.
Афв этилганларнинг 14 нафарини аёллар, 12 нафарини 60 ёшдан ошган эркак, 69 нафарини чет давлат фуқаролари, 15 нафарини тақиқланган ташкилотлар иштирокчилари ташкил этади.
Янгиликлар лентаси
0