ТОШКЕНТ, 9 ноя — Sputnik. Туркия етакчиси Ражаб Тоййиб Эрдоған Тоғли Қорабоғдаги можарони ҳал қилиш учун ишчи гуруҳ тузиш тўғрисида таклиф киритди, деб хабар қилди CNN Turk телеканали.
Шанба куни Россия ва Туркия президентлари телефон орқали Қорабоғдаги вазиятни муҳокама қилишди. Кремль матбуот хизматининг хабар беришича, улар минтақадаги можарони тинч йўл билан ҳал қилишга эришиш мақсадида ҳамкорлик қилишга тайёр эканликларини тасдиқлади ва тегишли таклифлар билдирилди.
Телеканал маълумотларига кўра, Владимир Путин Эрдоғаннинг таклифини мамнуният билан қабул қилди.
Нашр манбаси маълумотига кўра, яқин кунларда Қорабоғ инқирози бўйича музокаралар икки томонлама форматга ўтиши мумкин, бу ЕХҲТнинг Минск гуруҳи ишидан ташқарида ишлайди.
Шунингдек, янги гуруҳ сулҳдан кейинги чоралар ва сиёсий келишув жараёни устида иш олиб бориши кутилмоқда.
