ТОШКЕНТ, 22 июл — Sputnik. Ўзбекистонда 22 июль соат 10:00 ҳолатига кўра коронавирусдан уй шароитида даволанаётганлар сони 1 минг 706 нафарни ташкил қилмоқда. Бу ҳақда Республика махсус комиссияси марказий штаби аъзоси, Маҳалла ва оилани қўллаб-қувватлаш вазирлиги ходими Жўшқин Қосимов маълум қилди.
Ҳудудлар кесимида: Қорақалпоғистон Республикасида — 58, Aндижон вилоятида — 136, Жиззах вилоятида — 22, Навоий вилоятида — 40, Наманган вилоятида — 21, Самарқанд вилоятида — 96, Сирдарё вилоятида — 156, Сурхондарё вилоятида — 101, Қашқадарё вилоятида — 21, Тошкент вилоятида — 637,Тошкент шаҳрида — 413 нафар бемор уйда даволанмоқда.
таъкидланишича, уларнинг барчаси шифокорлар назоратида бўлиб, керакли тавсиялар бериб борилмоқда. Бепул дори-дармонлар ҳамда бир марталик тиббий ниқобларни етказиб бериш йўлга қўйилган.
Эслатиб ўтамиз, Ўзбекистонда 5 июлдан бошлаб коронавирус билан касалланганларни уй шароитида даволашга рухсат берилган.
