ТОШКЕНТ, 14 июн — Sputnik. Корея Республикаси Бирлашиш вазирлиги Корея Халқ Деморкатик Республикасини илгари эришилган корейслараро келишувларга риоя қилишга чақирди. Бу ҳақда “Рёнхап” агентлиги хабар қилмоқда.
“Ҳукумат (Жанубий Корея – таҳр.) юзага келган вазиятга жиддий қарайди, Жануб ҳам, Шимол ҳам барча эришилган келишувларга риоя қилишлари шарт”, - дейилади баёнотда.
Аввалроқ Корея меҳнат партияси марказий қўмитаси бўлими мудирининг ўринбосари, КХДР етакчиси Ким Чен Иннинг синглиси Ким Ё Чжон Пхеньян яқин вақт ичида Жанубий Кореяга нисбатан “навбатдаги қадам”ни қабул қилишини маълум қилган эди. Унинг сўзларига кўра, навбатдаги ҳаракатлар бўйича қарор қабул қилиш Корея халқ армияси зиммасига юклатилади.
9 июнь куни КХДР ҳукумати шу кундан бошлаб Жанубий Корея билан барча алоқа каналларини узишини хабар қилган эди. Хабарда айтилишича, Жанубий Корея ҳукумати “корейслараро муносабатларни якуний нуқтасига етказиб қўйди”.
