ТОШКЕНТ, 2 июн — Sputnik. Тошкент вилоятида икки кишининг жанжали ўлим билан якунланди.
ИИВ ҳузуридаги Тергов департаменти хабарига кўра, ҳодиса 30 май куни Зангиота тумани Бўзсув қўрғони Маданият кўчасида содир бўлган.
38 ёшли Х.Б. 21 ёшли Б.Н. билан ўзаро оғзаки келишмовчилик оқибатида жанжаллашиб қолган. Кейин Б.Н. уйидаги белкурак билан Х.Б. танасининг юз ва оёқ қисмига бир неча маротаба уриб, тан жароҳати етказган.
Натижада Х.Б. олган тан жароҳатлари билан туман тез тиббий ёрдам бўлимига олиб борилган, шифокорлар томонидан кўрсатилган тиббий муолажага қарамай вафот этган.
Мазкур ҳолат юзасидан ЖКнинг 104-моддаси 3-қисми “д” банди (Одам ўлимига олиб келган қасддан баданга оғир тан жароҳати етказиш) билан жиноят иши очилган.
Б.Н. ушланган ва ҳозирда дастлабки тергов ҳаракатлари олиб борилмоқда.
