ТОШКЕНТ, 31 май — Sputnik. Жиззах вилоятида 6 ёшли бола йўл-транспорт ҳодисаси қурбони бўлди. Бу ҳақда ИИВ ЙҲХББ ахборот хизмати хабар бермоқда.
Қайд этилишича, 30 май куни Шароф Рашидов тумани, “Раваллиқ” МФЙ Гулшан кўчасидаги хонадонларнинг бирига стол ва стул олиб келган “Газ-69” ҳайдовчиси машинасини қаровсиз қолдирган.
Бирга келган унинг 15 ёшли таниши С.Э. автомобилни ўзбошимчалик билан ҳайдамоқчи бўлган. Уни юргазиб, шу уйнинг олдида ўйнаб юрган 6 ёшли Б.Х.ни уриб юборган.
Натижада Б.Х. оғир тан жароҳатлари олиб воқеа жойида вафот этган.
Мазкур ҳолат юзасидан Ўзбекистон ЖКнинг 266-модда 2-қисми билан жиноят иши қўзғатилган.
